Malango 26:6 - Amazwi Yakwe Leza 2013

⁶ Lelo aina Eguputo yatucuzizye wakwe cimwi nga yatupatikizya ukuomba wa azya.

Malango 26:6 交叉參考

Kufuma 1:11

Caleka umwene wilya ni nkombe zyakwe yika yakangalila akalale pa ina Izlaeli kuti yayapatikizya ukuomba imilimo ikome pakuti yayatonsye. Aina Izlaeli yakuula umusumba wa Pitomu nu musumba wa Lamesesi kuti iye imisumba yakwe Falao yakusungilamo ivyakulya.

Kufuma 1:14

Umi wa ina Izlaeli wali uwakucululuka pamulandu wakuti aina Eguputo yayakulizyanga ukuomba incito ikome mu kutama injelwa nu kukanda indaka mu makuule nga nu mu milimo yamu vyalo vyao kwaula ukuya nu luse panoyali.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Kufuma 5:23

Pano ukufuma lino naile kuli Falao ku kumunena amazwi yako, Falao acili akucuzya antu yako. Lelo wemo utatala wacita nanti cimwi kuti uyakulule!”

Kufuma 5:19

Alino yakapitao aina Izlaeli iiluka ukuti yali mu ntazi lino yayanena ukuti yalinzile yatama impendwa ya njelwa ilya kwene ino yatamanga lyonsi.

Kufuma 5:9

Mutayapeela umweko pa milimo, pakuti yatakwata kasita ka kuvwa vino yakuyatumpoka.”

Kufuma 1:22

Pa kusyalikizya umwene wilya apeela ilamulo ku antu yakwe yonsi ati, “Mwana wensi umonsi uwavyalwa ku Ayebulai alinzile asumbwe mu Luzi lwa Nailo. Lelo ana yao yakaci yonsi muyata sile.”

Kufuma 1:16

“Lino mukwazwilizya anaci Ayebulai pa kuisapula kwao konsi, ana yao ndi aonsi mwayakoma, lelo ndi anaci yene muyata sile.”

Kufuma 1:8

Lyene umwene muze wino atamanyile nanti cimwi pali Yosefu, apyana atandika kuteeka mu Eguputo.

Malango 26:7

Alino naswe itulilila Yawe, Leza wa vikolwe vitu kuti atwazwilizye. Nga nawe auvwa kunotuli alola nu kucula kwitu, intazi zitu, nu ulanda witu.

Mpendwa 20:15

Ivikolwe vitu vyatentemukile ku Eguputo kuko kuno vyatenzi amanda avule cuze. Aina Eguputo yatucuzyanga wakwe cimwi, ndi muno yacitile ivikolwe vitu.