Malango 24:1 - Amazwi Yakwe Leza 2013

¹ “Limwi umuntu umwi angatwala umwanaci alino nupya pacisila avwange ukuti asikumulonda, pamulandu wakuti wamuzana na kamwi akatamuzanzizye. Alino lyene amulembela na kalata uwa kumuta.

Malango 24:1 交叉參考

Yelemiya 3:8

Waweni nakuno nazinzile umutalami Izlaeli apamulandu wa uzelele wakwe. Namupiile na kalata uwakumuzingila. Lelo Yuda, kaci wakwe, cizelele muze, wene atoofile foo. Waya wacita icili conga kwene.

Ezaya 50:1

Yawe wavwanga wati, “Uzye kalata wakutaana wino natelilepo mayo winu ali kwi? Nanti uzye akuli weni uwankongwesizye, kuno nakazizye mwemwe? Awe, mwemo yamukazizye uku uzya pamulandu wa maifyo inu, nga nyoko nawe yamusenzile pamulandu wa nkota zinu.

Malango 22:29

wene alinzile alipile impango kuli isi wa mukazyana, kulingana ni mpiya zyakwe siluva amakumi yasano. Alino lyene amutole aye umuci wakwe, pamulandu wakuti wene wamupatikizye ukucita icansonyi nawe. Wene atangamuta lino acili nu umi.

Malango 22:19

Nupya yalinzile kumulifya impiya zyakwe siluva ukulingana umwanda onga nga yazipeele kuli isi wa mukazyana wiyo atatala wamanya umonsi, pamulandu wakuti umonsi wiyo waleta muzewanya ku mwanaci umwina Izlaeli. Nu kulunda pali cico, wene amatwalilila ukuya umuci wakwe, nupya atangamuta lino acili nu umi.

Malango 22:13

“Ndi cali umonsi umwi watwala umukazyana nga pacisila cakumumanya welenganya ukuti atakumulonda.

Malango 24:3

nga lyene iya wiyo wakwe ciili nawe kwene amupate nu kumulembela kalata wakutaana, nga amupeele kalata wiyo nu kumuzinga mu ng'anda yakwe, nanti ndi cali iya wakwe ciili wafwa,

Kufuma 21:10

Monsi ndi wapalika, alinzile kutwalilila ukupeela kapundu wakwe cipimo icili conga ca vyakulya ni vyakuzwala, nga ni nsambu zili zimwi kwene, ndi vino wamucitilanga lino atali apalike.

Luka 16:18

“Muntu wensi uwata umuci wakwe nu kutwala muze, ala walongozya. Na wino uwatwala umwanaci wino yata, ala walongozya.

Mateo 1:19

Yosefu, wino uwamutaisye wene wali umuntu wa cumi, nupya atalondanga kuti amuzewanye paswe. Wakasi kuti amukane kumbali.

Malaki 2:16

Yawe, Leza wa ina Izlaeli wavwanga wati, “Napata ukutaana. Napata umuntu umwi wino wacita icintu ca unkalwe wakwe cii ku muci. Musininkizye ukuti kutaya nanti wenga uwakuvuna upangano wakwe uwakuya uwacumi ku muci.”

Malango 21:15

“Nga ndi cali umonsi umwi akweti aci yaili nga yoili kwene yamuvyalila ana, lelo umwana iyeli asi umwana wa mwanaci wino watemwisya.

Mpendwa 5:12

kuti apeele amazwi yaa autunguluzi ku ina Izlaeli. Monsi ndi cakuti wamanya ukuti umuci ataya ningo, wamuyembukila,

Mpendwa 5:28

Lelo kwene umwanaci wiyo ndi cakuti atacisile uzelele, ale kusi iciipe icingamucitikila nga nu kuvyala angavyala ukunkolelo.

Malango 24:2

Lyene ndi cali umwanaci wiyo wamusya, aya atwalwa ku monsi muze,

Yelemiya 3:1

Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?