Malango 23:4 - Amazwi Yakwe Leza 2013

⁴ Yene yamwimile amanzi ni vyakulya lino mwafumile ku Eguputo, nupya yamwamile Balamu umwana wakwe Beoli, ukufuma ku musumba wa Petoli ku Mesopotamya ukwiza mutipwila.

Malango 23:4 交叉參考

Neemiya 13:2

Icintu cico catandike pamulandu wakuti yene yakanyile ukupeela aina Izlaeli amanzi ni vyakulya lino yali apa lwendo lwakuya ku Eguputo. Yene yatozile ulupiya yalipila nu kuonga Balamu apakuti atipwile aina Izlaeli. Lelo Leza wasenwile intipu zyakwe Balamu iziya upolelelo.

2 Petulo 2:15

Yasya inzila ya wololoke, nupya yaponga pa kulondela musango wakwe Balamu mwana wakwe Beoli. Balamu watemilwe impiya pa kuluvyanya kwakwe.

Mateo 25:40

Alino Mwene alaasuka ati, ‘Cumi namunena, vino consi cino mwacitile wenga munono uwamu ina yane, vivyo kwene mwacitile nene!’

Zakaliya 2:8

Ali wensi uwazanza mwemwe ala wazanza icintu ca mutengo ukulu cuze kunondi.” Acino Yawe Wamaka yonsi uwantumile ku nko zino zyasamfile ivyuma vya antu yakwe kuti nkazinene inti,

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

1 Samueli 25:11

Uzye pacani cino nemo ningatola ivyakulya pamwi ni vyakumwa vyane nga ni nyama zino nkomile aomvi yane avino mpeele antu yano ntamanyile nakuno yafumile?”

Mpendwa 23:7

Balamu wasema usemo wakwe uwakuti, “Balaki umwene waku Moabu wamfumizye ku Alamu, ku myamba yaku ufumondaka. Wavwanzile ati, ‘Iza untipwilile Yakobo.’ ‘Iza uvwange amazwi ya misindicila ku ina Izlaeli.’

Mpendwa 22:17

Pasi pano ulalambulwa icilambu cacipezya mano. Wemo fwandi vwanga sile icili consi. Ndanga fwandi wize untipwilile antu yaa.”

Milimo 9:4

Lyene apona pansi auvwa izwi likuti, “Saulo, Saulo! Pacani ukunzunya?”

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.

Yoswa 24:9

Lyene Balaki umwana wakwe Zipoli, umwene waku Moabu, akatuka kwiza lwisya aina Izlaeli. Wene atuma intumi ku kwama Balamu umwana wakwe Beoli kuti aize atipwile mwemwe.

Yelemiya 49:1

Apa mulandu na ina Amoni, Yawe wavwanga wati, “Uzye Izlaeli atakwata ana aonsi? Uzye atakwata impyanyi? Icani fwandi cino Mikilomu wapyanyile Gadi? Icani cino antu ya mutundu wakwe ikalile umu misumba iyaya mwenemo?

Ezila 9:1

Pacisila lino vyonsi vii vyacitika, nga intunguluzi zimwi iziza kunondi iziti, “Aina Izlaeli pamwi na yasimapepo nga na ina Levi yataizilizye ku utwazi ni mitundu ya inamasi iyatuzinguluka. Iyi, imitundu ya ina Kenani, Hiti, Pelizi, Yebusi, Amoni, Moabu, Eguputo na ina Amoli. Yene yakucita ivyawinyi ndi vino ainamasi yonsi yakacita.

Nyimbo zya ndosya 1:10

Anisi yatiyamupoka ivyuma vyonsi. Wene watailolela nakuno ainamasi yakwingila umu Ng'anda ikulu yakwe Leza, yao yano we Yawe wainda ukwingila muno antu yako yakakongana.

Ezekelo 44:9

“Yawe Simwandalali nawe wavwanga wati, umwenyi, atasilamulwa umupasi nu mwili, atalingila umu Ng'anda yane ikulu, nanti sile awenga apa enyi yonsi yano yikala umu ina Izlaeli.”