Malango 23:18 - Amazwi Yakwe Leza 2013

¹⁸ Nanti ulupiya kwene luno yangakwilila umu nzila iyo lusi lwakwezya kutwala mu Ng'anda ikulu yakwe Yawe Leza winu, pa kuya fikilizya ulayo uno walavile kunoli. Yawe wapata yakacita ya uzelele aku Ng'anda ikulu yakwe Leza.

Malango 23:18 交叉參考

Filipi 3:2

Cenjelini na antu ankalwe wakwe yasimbwa. Kuli kuti yakacita ya viipe aonsi akakonkowezya kuceka nkanda ku mili.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Mateo 7:6

“Mutapela yasimbwa vintu vyamuzilo, pano yalaseleukila kunomuli yamulume. Mutapela yakapoli vintu vicindame wa mawe yamutengo, pano yene yalavilyatola.

2 Petulo 2:22

Icayacitikile cikulanga ukuti mapinda yaa acumi. Ipinda limwi likati, “Simbwa akaswilila ku kulya malusi yakwe,” nga nalyuze likati, “Kapoli ndi wafulwa nawe akaswilila ku kuivumvunya mu ntipa.”

Habakuku 1:13

Amanso yako aziliziwe cakuti yasilonda ukulola iviipe. Utangazumilizya antu aipe yatwalilile ukuyembula insi. Umulandu cii cino ungazumilizya vyamusango uu ku antu aipe? Uzye apacani cino utangatola ulutampulo lwakulesya aipe ukulovya asuma nanti akaele?

Ezekelo 16:33

Cizelele wensi akalipilwa pali ucizelele wakwe. Lelo wemo, awewe ukapeela uwila uku onsi yano akulanzya. Nupya wemo, awewe kwene ukayapa amafukakanwa pakuti yafume umu mpanga zyao nu kwiza umukulongozya nawe.

Ezaya 61:8

Yawe wavwanga wati, “Nemo natemwa ulungami, lelo nasoka wakwe cimwi uwivi nu lufyengo. Nemo namalambula ningo sana antu yane nupya namapangana nayo upangano wa pee.

Mapinda 26:11

Iciwelewele cikaswilila uku uyunganyi wakwe vino simbwa akaswilila uku malusi yakwe.

Masamu 22:16

Icikundi ca antu caticindizizya, yali kwati akapukutu kakwe yasimbwa. Yatiyanyenkola amaulu na makasa yane

Malango 23:21

“Lino walaya kuli Yawe Leza wako, utakezye ukufutokela pa kucita cino walavile, pamulandu wakuti Yawe Leza wako alakupeelelapo umulandu pa ulayo wako nga nawe ulaya nu mulandu wa kwifya.

Aina Levi 18:22

Umonsi atakezye kuulungana nu monsi muze. Pano Leza wapata camusango uwo.

Malaki 1:14

Citipu ciye pa muntu umusomvi wino akapeela inyama yaciwelewele wa mpolelwa kunondi, mu cifulo ca nyama isuma ino walaya ukupeela kunondi! Pasi pano nene Mwene mukulu, nga antu amu nko zyonsi yakangoopa.”

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.

Aina Levi 7:16

Lelo ndu muntu waleta uwila pa kufikilizya umulapo, nanti uwila wakuitemelwa, lyene yatangalya inyama iyo yonsi pa wanda uno yapeelwa. Lelo yangalya iyasyala pa wanda uno walondelela.

Aina Levi 19:29

“Mutazewanya ana inu anaci pakuyalenga ukuya yacizelele. Pano ndi mwacita vivyo mulasenukila kuli tuleza tuze, nga lyene ni mpanga ilazulamo vyawinyi.

Aina Levi 20:13

Aonsi yaili ndi yulungana atupu, yatiyacita cawinyi. Aonsi yao oili yalinzile ukukomwa. Ala yaikoma aisikulu.

Malango 22:21

lyene yalinzile kumuleta ku mulyango wa ng'anda yakwe isi, kuno aonsi amu musumba uwo yalinzile kumutama na mawe mpaka afwe. Wene watacita icansonyi mu Izlaeli apakucita uzelele lino acili mu ng'anda yakwe isi, ala atacili atwalwe. Mu musango uu amuno mulasisya inkota pakasi kinu.

Mika 1:7

Utuluwi twakwe tonsi tulaputolwa mpaka tusyale utumpilinsya, nga na mawila ya ng'anda zyakwe zikulu zyonsi yalononwa ku moto. Ndatamola vyaunkolanya wakwe vyonsi. Wene wakolonginye amawila ukufuma ku malipilo yakwe yacizelele, caleka yauze yalayaomvya mu mulimo wakulipila yacizelele kuze.”

1 Yamwene 14:24

Icaipisye pali vyonsi vivyo, mu mpanga ilya mwazanwanga antu yamwi aonsi na anaci acitanga vyawinyi ndi vivi kwene ivyacitanga inko zino Yawe wazinzilemo pa manso ya ina Izlaeli.