Malango 20:6 - Amazwi Yakwe Leza 2013

⁶ Uzye pano panotuli pali umonsi umwi uwalema amatingi likwene mu calo, lelo atacili azombole? Ndi cakuti apanoli, cazipa aswilile ukwakwe. Pano limwi ndi waya wafwila ku nkondo, ale lyene umuntu muze angailyokezya waini uwa matingi yayo.

Malango 20:6 交叉參考

Zefaniya 1:13

Ala ivyuma vyao vilasampwa, nga na mang'anda yao yalaongololwa. Amang'anda yano yakuula yatalikalamo foo. Na matingi yano yalima yatalamwako waini wayako, awe.”

Yelemiya 31:5

Ulalema nupya amatingi, pa myamba yaku Samaliya. Alimi nayo yalalema nu kulya iviseekwa vyakweyo.

Ezaya 65:22

Yatalakuulila umuntu muze kuti aikale mwenemo foo, nanti ukulimila yauze ayano yalye foo. Pano antu yane yalalengela pano nsi, wa miti, na asololwe yane yalasyukila vino yailimile aeneco.

1 Kolinto 9:7

Uzye musilika cii wino akaizanila umwisikulu vilondwa vyakwe? Uzye mulimi cii wino asyalya vilyo kufuma mu calo cakwe? Uzye mucemi cii asyaomvya iziya kufuma ku viteekwa vyakwe?

Malango 20:5

“Alino yamusika ya vita yali nu kulunda ukunena asilika yati, ‘Uzye pano panotuli pali umonsi umwi cantete uwakuula ing'anda, lelo atacili aipaatwile Yawe? Ndi cakuti apanoli, cazipa aswilile ukwakwe. Pano limwi ndi yaya yamukoma ku nkondo, ale lyene umuntu muze angapaatwila Yawe ing'anda iyo.

Malango 20:7

Uzye pano panotuli pali umonsi umwi wino wataisya? Ndi cakuti apanoli, cazipa aswilile ukwakwe. Pano limwi ndi waya wafwila ku nkondo, ale lyene umuntu muze angatwala umwanaci wino wataisya.’