Malango 2:4 - Amazwi Yakwe Leza 2013

⁴ Wene wanenyile ukumupeela amalamulo yaa, akuti, ‘Mwasya mupite ukusalala impanga ya myamba yamu Edomu, impanga ya anyonko, amu mupanda wakwe Esau. Yene yamauvwanga intete zya pali mwemwe.

Malango 2:4 交叉參考

Malango 23:7

“Mutakezye ukusuula aina Edomu, pano yene antu inu. Nupya mutakezye ukusuula aina Eguputo, pano mwatenzi mu mpanga yao.

Kufuma 15:15

Ndakai intunguluzi zyamu mpanga ya Edomu zyatizisakamikwa. Intunguluzi zyamu mpanga ya Moabu zyatizitandika kuzakaza. Antu yonsi amu mpanga ya Kenani iciyaputula umusana.

Kolose 4:5

Muye na mano mu mikalile inu lino muli pakasi ka antu atataila, nu kuomvya insita inu ningo.

Filipi 2:15

pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

Efeso 5:15

Caleka tekelini mu mikalile inu. Mutaikala wa antu awelewele, lelo wa antu yamano.

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

Mateo 5:16

Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Utandiko 25:23

Yawe nawe amunena ati, “Munuli muli inko zili zya antu. Ulavyala antu yaili, yao alacimvyanya mu wikazi wao. Wenga alaya na maka ukuluta muze. Silenzi alaya muomvi wa muto.”

Utandiko 36:8

Acino lyene Esau (kuli kuti Edomu) aya aikala mu Seili impanga ya myamba.

Kufuma 15:16

Intete zikulu cuze yonsi zyatiziyalema Yene yalola amaka yako wene Yawe nga iyapeziwa amano ku ntete. Yene yikala sile cele mpaka antu yako yapuzya, antu yano wakulwile mu uzya.

Malango 2:3

twatitululumba ku na ku mu mpanga ii ya myamba pa nsita ntali ilingane, nu kuti ndakai tulinzile kulungama ku katutu.