Malango 16:15 - Amazwi Yakwe Leza 2013

¹⁵ Muce mwacindika Yawe Leza winu pa kuzevya icimulo cii pa manda cinimbali pa ncende yonga ino Yawe alasolola. Mulinzile mwaya ansansa pano Yawe watamupolelela ni vyauzombozi alino ni milimo inu.

Malango 16:15 交叉參考

Malango 30:16

Ndi mwayela amalamulo yakwe Yawe Leza winu yano nkumupeela ilelo, nupya ndi mwamutemwa, nu kumuyela, nu kulondela malamulo yakwe yonsi, ale lyene mulapelwa ulongo nupya mulaya uluko lwa antu avule. Yawe Leza winu alamupolelela mu mpanga ino muli pipi nu kupoka kuti iye iyakwinu.

Malango 16:10

alino lyene imuzevya Cimulo ca Uzombozi, ukucindika Yawe Leza winu, pa kumuletela uwila wa kuitemelwa ukulingana na vino wene wamupolelela.

Malango 7:13

Wene alamutemwa nu kumupolelela, cakuti mulasandana mukakwate na ana avulisye. Wene alapolelela ana inu, ni vilimwa vyamu vyalo vinu pakuti mukakwate imbezu, waini, na mafuta ya miolivi. Nga alamupolelela pa kumupeela ing'ombe ni mfwele izivule. Wene alamupeela upolelelo uu onsi mu mpanga ino walavile ivikolwe vinu ukuti ali nu kumupeela.

Malango 16:14

Muce mwasansamuka pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano yakaikala mu misumba inu.

Malango 16:16

“Fwandi aonsi yonsi amu luko lwinu yalinzile yiiza ku kulongana nu kupepa Yawe amaila yatatu pa mwaka pa ncende yonga iya kupepela penepo, pa nsita ya Cimulo ca Mukate usi na Citutumusi, ni Cimulo ca Uzombozi, nga ni Cimulo ca Nsakwe. Cila muntu alinzile ukuleta uwila

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Neemiya 8:17

Antu yonsi pyu pali yao awelulwike ukufuma ku Babiloni ku uzya, yakuula insakwe amuno yikala. Icintu cii cili cino aina Izlaeli yatatazile yaciombe ukutandikila sile pali Yoswa umwana umonsi wakwe Nuni ukufika na pa wanda uwa kwene. Fwandi yali nu luzango wakwe cimwi.

Esita 9:22

Ali manda yano Ayuda yakulwilwe uku anisi yao. Amanda yamwi yano ulanda wasangwike uluzango nga nu kulila kwao kwasangwike insansa. Wayalembela nu kuti yangazanga nu kucita amalila mu manda yayo, nupya yapeelana ivyawila nu kusakamala alanda.