Malango 16:11 - Amazwi Yakwe Leza 2013

¹¹ Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Malango 16:11 交叉參考

Malango 12:12

Lyene mulasansamuka pa manso yakwe Yawe Leza winu apali pamwi na ana inu, na aomvi inu, na ina Levi akaikala mu misumba inu. Mwaiusya ukuti aina Levi Yene yatapiilwe impanga ingaya impanga yao iyaupyanyi.

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

Malango 12:18

Mwemwe kwene kumwi na ana inu, aomvi inu alino na ina Levi akaikala ku misumba inu muce mwavilila vivyo vyonsi pa manso yakwe Yawe Leza winu, pa ncende yonga mpo iyakupepela penepo. Papo kwene ali pano muce mwaliila nu kusansamuka pa vintu vyonsi visuma vino Yawe Leza winu wamupeela.

Filipi 4:4

Mwazanga mu Mwene. Nupya kwene nkuti mwazanga!

2 Kolinto 1:24

Swemo tusi angalizi pa utailo winu akumunena vino mungataila. Tukuomba pamwi namwe kuti muye a nsansa, pano utailo winu ukome.

Loma 5:11

Nupya cisi cico citupu. Tukazanga pali vino Leza wacita mu Mwene witu Yesu Klistu, uwalenga kuti tukwate kuwikizyanya na Leza.

Habakuku 3:18

Lelo nemo namazangila muli Yawe, namakwatanga insansa pamulandu wakuti Leza a Katuula wane.

Ezaya 64:5

Wemo ukatungulula yano yakacita vyaololoke nu kwiusya inzila zyako. Lelo kwene wasokanga lino twifyanga nu kukutalamila apa nsita ntali.

Malango 16:14

Muce mwasansamuka pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano yakaikala mu misumba inu.

Kufuma 20:24

Nemo mwankuulila kavuwa kivu apano mwampeelela amawila inu akoca na autandano, imfwele ni mbuzi nga ni ng'ombe zinu. Pa ncende yonsi ino namunena kuti mwampepelapo, apano Nene namaizanga ku kumupolelela.

Malango 14:29

Ivyakulya vivyo vilaya ivya ina Levi, yao atakwata impanga wakwe mwemuno mwasyala, na inamasi, na ana asyale, na yamukamfwilwa, yano yakaikala mu misumba inu. Yene yalinzile kwiza tola vyonsi vino yuulilwa. Muce mwacita vivyo pakuti Yawe Leza winu ace amupolelele mu milimo inu yonsi.”

Malango 16:10

alino lyene imuzevya Cimulo ca Uzombozi, ukucindika Yawe Leza winu, pa kumuletela uwila wa kuitemelwa ukulingana na vino wene wamupolelela.

Malango 26:11

Muce mwasansamuka nu kutaizya Yawe Leza winu pa vintu visuma vino wene wapeela kunomuli nu ku amu ng'anda inu. Lekini aina Levi pamwi na inamasi yano yakaikala namwe yize yailundanye ku kusansamuka kuko.

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Yowelo 1:16

Ivyakulya vitu vikusila lino swemo tukulola na manso ntontonto. Umu Ng'anda ikulu yakwe Leza witu musi insansa nanti ukuseka.