Malango 15:7 - Amazwi Yakwe Leza 2013

⁷ “Ndi cakuti mu musumba onga pa misumba iya mpanga ino Yawe akumupeela mwazanwa umunyonko umwina Izlaeli uwataulilwa cimwi, lyene mutakezye ukukwata ulusoko kunoli nupya mutakezye ukukana ku mwazwilizya.

Malango 15:7 交叉參考

Malango 15:9

Mutakezye kukana ukukongwesya umwi icintu cimwi, pamulandu wakuti umwaka wakusuula inkongole wapalama. Mutakezye ukwelenganya ukwipe ukwa musango uu kuye mu myenzo inu. Ndi cakuti mwakana ku kongwesya umunyonko, ale lyene wene alailizyanya kuli ne Yawe, nga namwe mulaya nu mulandu.

Mapinda 21:13

Wiyo akafundika umu matwi lino alanda yakumulilila, nawe kwene kusi alamusakamala lino alapunda inkuta, ati, “Tutulwe!”

Mateo 18:30

Lelo wene akana, amutwala ku ng'anda yaminyololo kuti akayalilwe kufika na lino alalipa nkongole yakwe.

Mateo 5:42

Uwakulenga cimwi mupele, na wino akulonda ukukongola kunuli utamukanya.

Kufuma 22:25

“Umwi ndi wakongwesya impiya ku muntu ali wensi uwamu antu yane mupina, atacita wakwe kakongwisya wa mpiya, alonda kuti yamulipe kalowa.

Aina Levi 25:35

“‘Ndi umwina Izlaeli muzo, umwinipamba, umonsi nanti umwanaci waya mupina cakuti atange aiteke umwisikulu, ulinzile kuyapeela vyonsi vino yakulonda wakwe vino ungacita ku mwinamasi nanti umuomvi wako wino akalipilwa, pakuti yangatwalilila ukwikala namwe.

Malango 15:11

Insita zyonsi kulaya aina Izlaeli apina nupya aulilwe, acino nkumupeela ilamulo kuti muye antu ya wila kunoyali.

Malango 24:14

“Utaezya ukutumpoka umuomvi wino walemba incito, umupina nupya wino uulilwa, cisi cimwi angaya umwina Izlaeli nanti sile umwenyi kwene wino wiza wikala mu musumba onga pa misumba inu.

Neemiya 5:1

Lino papita insita imwi antu yamwi pamwi na aci yao yatandika ukuinong'onya pa vicitwa vya Ayuda yauze.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Ezaya 58:10

mwatandika nu kupeela yano yali ni nzala icakulya, lyene ale uluswepo lwane lulawala mu mfinzi, ni mfinzi iyo ilawala wi lanzi ilili pakasi ka mutwe.

Esita 9:19

Uli mulandu uno mungazana ukuti Ayuda akaikala umu mizi yapuzanga apa wanda uwalenga ikumi na yani, umu mwezi wakwe Adali. Ali muno yazanganga nu kucita amalila alino nu kupeela ivyawila ni vyakulya uku yauze.

Esita 9:22

Ali manda yano Ayuda yakulwilwe uku anisi yao. Amanda yamwi yano ulanda wasangwike uluzango nga nu kulila kwao kwasangwike insansa. Wayalembela nu kuti yangazanga nu kucita amalila mu manda yayo, nupya yapeelana ivyawila nu kusakamala alanda.