Malango 15:19 - Amazwi Yakwe Leza 2013

¹⁹ “Mupaatwile Yawe Leza winu amayeli yonsi akalume a ng'ombe na a mfwele. Mutakezye ukuomvya iyeli lyakwe yamasaye ilya ng'ombe zinu nanti ukusenya amavumbu imfwele ili yonsi pa mfwele zii.

Malango 15:19 交叉參考

Kufuma 13:2

“Mwampaatwila ana yonsi mayeli aonsi. Mu ina Izlaeli umwana wensi umonsi wi yeli, umwana wa muntu nanti umwana wensi wa nyama uwakwane.”

Kufuma 13:12

Mulinzile kupaatwila Yawe ana yonsi mayeli aonsi. Maeli ya nyama zinu yonsi nayo kwene mwayapaatwila kuli Yawe. Vyonsi vii ivyakwe Yawe.

Malango 16:14

Muce mwasansamuka pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano yakaikala mu misumba inu.

Malango 12:17

Monsi muno mulaikala mutaca mwatola nu kulya icikumi ca pa mbezu zinu, nanti waini, nanti amafuta ya miolivi, nanti iyeli lya ng'ombe nanti imfwele zinu, nanti uwila uli onsi uno mwalaya ukupeela kuli Yawe, nanti uwakuitemelwa kwene.

Mpendwa 18:17

Lelo utalinzile kukulula amayeli ya ng'ombe, ni mbuzi, ni mfwele. Vivyo ivyamuzilo, nupya ivyakungocela impolelwa. Uce uwakanyila uwazi ku kavuwa, alino nu kwengulula amafuta yaye uwila wa usu, mununko usuma uno ukanzanzya.

Mpendwa 18:15

“Mwana wensi iyeli, wino yalayampela, aye umuntu nanti iciteekwa, alaya uwakwinu. Lelo iyeli lya nyama ni lya muntu mukowele uce ulikulule.

Aina Levi 27:26

Iyeli lya nyama ilyakwe Yawe. Acino kusi umwi angalipeela kunoli ukuya uwila wa kuitemelwa. Usi mulandu ingaya a masaye, imfwele nanti imbuzi, lyene ilyakwe Yawe.

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Malango 14:23

Alino muce mwaya pa ncende yonga sile ino Yawe wasolola ukuti ingaya incende ya cifulo ci zina lyakwe. Kuko kwene pa manso yakwe Yawe Leza winu ali kuno mungaliila icipande conga pa vintu ikumi ivya uzombozi winu, ivili wa vilimwa, waini, amafuta ya miolivi alino na mayeli ya ng'ombe zinu ni mfwele. Muce mwacita vivyo pakuti musambilile ukulanga icoopo kuli Yawe Leza winu mu nsita zyonsi.

Mpendwa 3:13

Pasi pano amayeli yonsi akwane. Lino nakomozile amayeli yonsi mu Eguputo, naipaatwilile cila iyeli lya ina Izlaeli, usi mulandu lingaya ilya muntu nanti ilya nyama. Yene yalinzile ukuya akwane. Nene indi Yawe.”

Kufuma 34:19

“Mwana wensi iyeli umonsi, nu mwana wi yeli wa citeekwa, sawe, suuku nanti cipambasi, wene uwakwane.

Loma 8:29

Pano yano Leza wasolwile calimwi ayano wapaatula kuti yaye wa Mwana wakwe, pakuti Mwana aye iyeli lya ina aingi.

Kufuma 22:30

Mwampeela mayeli ya ng'ombe ni mfwele ni mbuzi zinu. Mwaleka iyeli lyaviko na nyina amanda cinimbali, na pa wanda uwalenga cinani mulipeela kunondi.

Malango 15:18

Utakezye ukwelengaya ukuti cili icitale ukuta umuzya wako aye umuntungwa. Pasi pano wene wakuombela imyaka mutanda pa malipilo ukulingana na citika wa malipilo yano ukapeela uwa ncito.

Kufuma 22:29

“Mwampeela amawila ukufuma ku vyauzombozi winu na waini winu pa nsita ino vyapeelwa. “Mwampeela mayeli inu aonsi.

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.