Malango 14:27 - Amazwi Yakwe Leza 2013

²⁷ “Mutakezye ukutazyela aina Levi yano yakaikala mu misumba inu. Yene yatakwata impanga pali vino vyankanyiziwe.

Malango 14:27 交叉參考

Malango 14:29

Ivyakulya vivyo vilaya ivya ina Levi, yao atakwata impanga wakwe mwemuno mwasyala, na inamasi, na ana asyale, na yamukamfwilwa, yano yakaikala mu misumba inu. Yene yalinzile kwiza tola vyonsi vino yuulilwa. Muce mwacita vivyo pakuti Yawe Leza winu ace amupolelele mu milimo inu yonsi.”

Mpendwa 18:20

Alino Yawe anena Aaloni ati, “Utalakwata icaupyanyi mu mpanga yao. Nupya utalakwata isala mu mpanga yao. Nene ne Yawe indaya isala alino ni caupyanyi cako pakasi ka ina Izlaeli.”

Malango 12:12

Lyene mulasansamuka pa manso yakwe Yawe Leza winu apali pamwi na ana inu, na aomvi inu, na ina Levi akaikala mu misumba inu. Mwaiusya ukuti aina Levi Yene yatapiilwe impanga ingaya impanga yao iyaupyanyi.

1 Timoti 5:17

Aikolo yano akaomba mulimo usuma uwa kutungulula iuvi yene yalinzile kulipilwa, maka maka yao akaombesya mu kukosola nu mukusambilizya yalinzile kupelwa malipilo lili kuluta.

Galatiya 6:6

Muntu wino akusambiliziwa Ilandwe lya wina Klistu alinzile kwankanya visuma vyonsi vino akweti kuli wiyo akumusambilizya.

Malango 10:9

Ali cino aina Levi yatakwatila icipande ca mpanga. Yawe umwisikulu ali cuma cao ndi muno wene wavwanzile kunoyali.

Malango 18:12

Yawe wapata umuntu ali wensi wino akacita vintu vii vyawinyi, nupya uli mulandu uno wene akuzinga inko zizi mu mpanga ilya lino mwemo mukuya pa nkolelo.