Malango 13:16 - Amazwi Yakwe Leza 2013

¹⁶ Alino lyene muce mukolonganike iviya vyonsi ivyamu musumba uwo apakasi ka musolo. Ali pano muce mukavyoce wa wila wakoca onsi kuli Yawe Leza winu. Umusumba uwo ulinzile wasyala itongwa, nupya cisi cakwezya uku ukuululula cipya cipya.

Malango 13:16 交叉參考

Yelemiya 49:2

Cisuma, lelo kwene insita iliiza lino ndalenga ukuti aikazi ya musumba Laba wa ina Amoni, yaluvwa impoma zya nkondo. Umusumba ulya ulasanguka umutumba wa vitalanganda. Imizi yamwenemo ilapya uku moto. Izlaeli nawe alapokolola ivyuma kuli yano yamupokolwile.” Ivyalanda ne Yawe.

Yoswa 8:28

Acino Yoswa aoca umusumba wa Ai nu kuusangula itongwa lya pe, wakwe vino lyaya ukufika na pilelo.

Ezaya 25:2

Pano wemo wasenula umusumba ukuya umutumba wa mawe, umusumba ulya uno wali ni linga wausenula waya ivitotela. Utalatala ukuulwe nupya.

Ezaya 17:1

Amazwi asowilwe pamulandu wa musumba wa Damasiko: “Umusumba wa Damasiko utalaya umusumba nupya foo. Lelo ulaya sile umusumba wa vitantala.

Yoswa 6:24

Alino iyoca umusumba onsi na vyonsi ivyali mwenemo, lelo yika siluva na zaabu nga ni viombelo vya mukuwa mu cipao camu Ng'anda ikulu yakwe Yawe.

Mika 1:6

Caleka Yawe akuti, “Ndonona Samaliya wiyo, mpaka aye itongwa, umwakulema amatingi. Amawe yakwe ndayafumfumwila mu cifoloma, nu kufukula imifula yakwe.

Yoswa 6:26

Pa nsita ilya Yoswa avwanga amazwi yaa amisindicila akuti, “Si citipu cakwe Yawe cikaye pa muntu wino aliza ku kukuululula umusumba uu, wa Yeliko: pakusokola umufula wauko, cazipa akafwilwe umwana wakwe umonsi wiyeli, na pakusimpa impongolo zyakweo, cazipa akafwilwe umwana wakwe umonsi kasuli.”

Malango 7:25

Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Malango 7:26

Mutaca mwezye ukuleta akaluwi nanti konga mu mang'anda inu, pano limwi intipu izili pano yali zingaya panomuli. Mulinzile kupata nu kusausya utuluwi tuu, pamulandu wakuti Yawe watutipwila.

Ezekelo 26:14

Ndakusangula umwalala utupu tupu, ulaya incende ya kwanikilapo amasumbo. Utalatala nupya ukakuulwe cipya cipya, pano ne Yawe natimvwanga, ivyalanda ne Yawe Simwandalali.”

Kufuma 22:19

“Monsi wensi wino uulungana ni nyama alinzile akomwe.

Yoswa 6:21

Alino yapeela umusumba ulya kuli Yawe kuti wononwe nga ku malupanga yano yali nayo iyakomola ivyaumi vyonsi mu musumba, aonsi na anaci, ance na akote, ni ng'ombe, ni mfwele, nga na yapunda kwene.