Malango 12:6 - Amazwi Yakwe Leza 2013

⁶ Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.

Malango 12:6 交叉參考

Luka 18:12

Nkaizilizya ukulya maila yaili mu mulungu, nupya nkapela ni cikumi ca muli vyonsi vino nkazana.’

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.

Malaki 3:8

Uzye umuntu angiyila Leza? Awe citange cicitike. Lelo mwemo mukunjiya. Namwe muuzya muti, “Umu nzila cii?” Umu cikumi na mawila.

Ezekelo 20:40

“Pano Yawe Simwandalali wavwanga ukuti pa Mwamba wane wamuzilo, pa mwamba utali wakwe Izlaeli, apano ang'anda yonsi yakwe Izlaeli yalikala nu kumpepa. Apano nemo ndamuzengela, nu kupokelela impolelwa zinu, amawila inu asuma, pamwi na mawila yauze amuzilo.

Malango 26:2

cila muntu panomuli alinzile watola umuse nga aikemo iviseekwa vyankolelo ivya pa vilimwa vyonsi vino alazombola. Lyene muvisende nu kuvitwala ku ncende ino Yawe Leza winu alasolola ukwa kumupepela.

Malango 12:17

Monsi muno mulaikala mutaca mwatola nu kulya icikumi ca pa mbezu zinu, nanti waini, nanti amafuta ya miolivi, nanti iyeli lya ng'ombe nanti imfwele zinu, nanti uwila uli onsi uno mwalaya ukupeela kuli Yawe, nanti uwakuitemelwa kwene.

Aina Levi 1:3

“‘Muntu ndi cakuti akupeela uwila wakoca, apeele cipambasi wa ng'ombe uwaula ulema. Apeelele pa mulyango wi Taalu lya Ukongano pakuti Yawe apokelele uwila uwo.

Yoswa 22:27

Lelo akakwimilila umboni pakasi kakwe sweswe namwe nga na amu mikulo iliza, ukuti swemo tukaapepa Yawe umwi taalu lyakwe tule tukupeela amawila yitu akoca, ni mpolelwa zitu, na mawila itu autandano. Lyene mu manda aliiza amu mupanda winu yatalalanda ku amu mupanda witu yati, ‘Mutakweti icipande cimwi muli Yawe.’

1 Samueli 1:24

Pacisila lino umwana wilya walumwike, Hana amusenda, nga asenda na cipambasi uwa myaka itatu, nu usu wa ngano ukulingana na makilogalamu ikumi lyonga na waini, nga amuleta ku ng'anda yakwe Yawe ku Syilo.

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

Neemiya 10:39

Aina Izlaeli na amu nko zya ina Levi yakapeela ingano, waini mupya na mafuta ya miolivi ku miputule yakusungilamo iviya umu ncende yamuzilo, nu kukaikala yasimapepo akatumikila, pamwi na yakalinda yapa mpongolo ya Ng'anda ikulu yakwe Leza pamwi na yakiimba ya nyimbo. Swemo tutalatazyela ng'anda yakwe Leza witu.

1 Samueli 1:21

Lino Elikana na ang'anda yakwe yatumbela ku kupeela impolelwa iya cila mwaka kuli Yawe nga nu ku kufikilizya umulapo wakwe,

2 Milandu 7:12

Yawe wamulolekile usiku nga amunena ati, “Natinuvwa ipepo lyako nupya natimpokelela Ng'anda ii ikulu ukuti apano mumampeelelanga impolelwa.

2 Milandu 31:14

Kole, umwana umonsi wakwe Imuna umwina Levi wino wali a kalinda mukalamba wapa mpongolo yaku ufumondaka wa Ng'anda ikulu yakwe Leza, uwapilwe umulimo wakupokelela amawila yano yapeelwa mukuitemelwa kuli Yawe, nga nakuti aliwe aankanya ningo amawila kwene yayo.

Neemiya 10:36

Tulaapeela kuli Leza witu ana itu amayeli aonsi. Ana mayeli ya ng'ombe na amfwele kwene, na mbuzi, tulayatwala kuli yasimapepo akatumikila mu Ng'anda ikulu yakwe Leza, ndi vino calembwa mu Masunde.

Masamu 116:17

Namakutuula impolelwa yaku kutaizya nu kutuula ipepo lyane kunuli.