Malango 12:27 - Amazwi Yakwe Leza 2013

²⁷ Ali kuno muce mwatuula amawila inu akoca pa kavuwa kakwe Yawe Leza winu, inyama nu wazi kwene. Alino muce mupongolwele uwazi wa mawila inu apambali ya kavuwa, lelo inyama yene mungalya.

Malango 12:27 交叉參考

Aina Levi 17:11

Pano umi wa ciumbwa consi waya mu wazi. Uli mulandu uno ne Yawe namupeelile uwazi pakuti mupepele umi winu pa kavuwa ipepo lya lutambi lwa kufuta amaifyo inu. Pano uwazi auno ukalipilwa pa maifyo inu.

Aina Levi 1:13

Lelo wene alinzile ukufula ivyamunda pamwi ni myendo kwene mu manzi. Alino simapepo atwale vyonsi vii pa kavuwa nu kuvyoca. Wene uli wila wakoca. Uwila uu uwa mununko usuma ukazanzya Yawe.

Aina Levi 1:9

“‘Lelo wene alinzile ukufula ivyamunda pamwi ni myendo kwene mu manzi. Alino simapepo aocele inyama yonsi pa kavuwa. Yene uli wila wakoca. Uwila uu uwa mununko usuma ukazanzya Yawe.

Aina Levi 1:5

Alino umuntu wiyo afyule cipambasi pa manso yakwe Yawe. Lyene yasimapepo ana yakwe Aaloni aonsi yatole uwazi wa ng'ombe iyo yaukanyizye ukuzingulusya kavuwa kano kali ulunga nu mulyango wi Taalu lya Ukongano.

Aina Levi 4:30

Pacisila cakwe vii, simapepo atimpike umunwe wakwe mu wazi umwi uwa wila wakwelela amaifyo. Lyene apake uwazi pa mpembe zya kavuwa ka kupelelapo uwila wakoca. Uwazi uwo uno wasyala awitile mwisika ya kavuwa kako kwene.

Aina Levi 3:1

“‘Muntu ndi akupeela uwila wa utandano kuli Yawe, uwila uwo ndi acipambasi wa ng'ombe nanti indama, ulinzile ukuya uwaula ulema.

Yelemiya 7:21

Yawe Wamaka yonsi, Leza wa ina Izlaeli wavwanga wati, “Lundini impolelwa zinu zyakoca apa mpolelwa na zyuze, mulye inyama.