Malango 11:18 - Amazwi Yakwe Leza 2013

¹⁸ “Ali cino fwandi mwaiusya amazwi yane yaa nu kuyasunga mu myenzo inu na muli yakampingu inu. Mwayanyepelela ku makasa inu nu kuyazwala pa mausyu inu wa mipango pakuti yangaya wa ciusizyo.

Malango 11:18 交叉參考

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Mapinda 3:1

Mwanane utailila vino nkukusambilizya, lelo lyonsi sile uwaiusya vino nakunena ukucita.

Masamu 119:11

Nkawaka amazwi yako umu mwenzo wane, apakuti intaluvyanya kunuli.

2 Petulo 1:12

Acino lyonsi kwene nkaamwiusya vintu vii, nanti angala mwavimanya nu kwika utailo mu cumi cino mwapokelela.

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Malango 32:46

alino wavwanzile ati, “Sininkizini ukuti mwayela amalamulo yaa yonsi yano namupeela ilelo. Mwasambilizya kweneko na ana inu, pakuti nayo yayela ningo amasambilizyo yonsi yakwe Leza.

Ayebulai 2:1

Cili cino tulinzile kwika mano cuze ku mazwi ya cumi yano tuuvwa, nu kukana tintilwa kuze.

Kufuma 13:16

Lutambi lu lulaya wa ciusizyo kunotuli, lulaya wa cimanyililo icanyepelelwa ku makasa itu nanti icanyepelelwa pa mpumi zitu wa mupango, cakutwiusya ukuti Yawe watufumizye mu Eguputo ku maka yakwe akulu.”

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Mapinda 3:3

Utaleka ukuyela kwako nu kutaila kwako vikusye. Vivyo uvinyepelele umu nsingo yako, uvilembe nu mu mwenzo wako.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.