Malango 11:14 - Amazwi Yakwe Leza 2013

¹⁴ Ndi mwacita cii, ale lyene ndaleka imvula itonye pa mpanga inu pa nsita ino ikaizila penepo, iya pa kuwela kwa mvula ni ya pa mwela, pakuti muce mukwate uzombozi wa mbezu, mukwate na waini na mafuta ya miolivi.

Malango 11:14 交叉參考

Yakobo 5:7

Inane, lyene tekini myenzo kufika lino Umwene aliiza. Lolini vino mulimi akateeka mwenzo lino acili akulolela kuti vilimwa vya mpomvu vice mu calo cakwe. Wene akalolela nu kuteeka mwenzo kuti vipokelele mvula ya pa miundo ni yamu koolo.

Aina Levi 26:4

nkaamupeela imvula pa nsita yakweyo pakuti musili wamezya ivilimwa ni miti ya vyalo vinu yaseeka viseekwa.

Ezekelo 34:26

Ndaleka ikale ukuzinguluka umwamba wane. Ndatonyezyamo imvula pa nsita ilinge, nupya ilaya imvula ya upolelelo.

Malango 28:12

Yawe alamutumila imvula pa mpanga inu pa nsita yakweyo, ukufuma ku maziya akama akwiyulu nu kupolelela imilimo inu yonsi, cakuti muce mwaazimisya na vimwi ku nko zivule. Lelo mwemo mutalatala mwazime nanti ku luko longa.

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Milimo 14:17

Lelo Leza asita kupeela umboni uwa pali aliwe umwisikulu kupitila mu vintu visuma vino akacita. Wene akamupeela imvula kufuma mwiyulu nu kuleka kuti vilimwa vikule pa nsita isuma. Wene akamupeela ivyakulya nu kuzuzya myenzo inu nu luzango.”

Aina Levi 26:3

“Ndi mwalondela amasunde nu kuyela malamulo yane,

Ezaya 30:23

Nanti sile lino mulakomela imbezu mu vyalo vinu, Yawe aliwe alamezya nu kukuzya vino vyaya mwenemo. Lelo kwene mulaasampa ivyakulya kwene vivyo. Mu wanda ulya ni ng'ombe zinu kwene zilakwata incende zingi zya mulemvwe umwakuliila.

Yelemiya 5:24

Yasitala yelenganya mu myenzo yao yati, ‘Katoope Yawe Leza witu, wiyo akatupeela imvula ya mooko na coola mu nsita zyaiko nu kutupela insita ya uzombozi cila mwaka.

Yowelo 2:19

Yawe aasuka antu yakwe ati, “Namamutumila ingano, ivyakumwa na mafuta, nupya mulikuta cuze. Ntalazumilizya nupya kuti ainamasi yamuwele nu kumutumfya.

Malaki 3:11

Ndalesya ivizizi kuti vitonona ivilimwa vinu, nga na matingi amu vyalo vinu vya matingi, yatalalukusya amatingi awe. Ne Yawe Wamaka yonsi natimvwanga.