Malango 1:27 - Amazwi Yakwe Leza 2013

²⁷ Mwailizyanyizye pakasi kinu, imuti, ‘Yawe watupata. Watufumya ku Eguputo kuti aize atupeele mu makasa ya ina Amoli pakuti yangatukoma.

Malango 1:27 交叉參考

Malango 9:28

Pano limwi, antu amu mpanga ino mwatufumizyeko yangavwanga ukuti pamulandu wakuti wemo waposiwe kutwala antu yaa mu mpanga ino wayalavile, na pamulandu wakuti wemo wayapata, acino wayafumizye uyaleta mu lwanga kuti uyakome.

Masamu 106:25

Yakuinong'onya umu nsakwe zyao, yakana nu kuvwa izwi lyakwe Yawe.

Mpendwa 14:3

Uzye pacani cino Yawe akututwalila mu mpanga ilya? Swemo tulakomwa mu nkondo, alino yalatupoka aci itu na ana itu. Uzye ukuswilila sile ku Eguputo kutange kuzipe?”

Luka 19:21

Noofile, pano wewe mutale. Ukatola cino utika nupya ukazombola pano utakomile.’

Mateo 25:24

“Alino lyene muomvi wino waposile impiya izimbi lyonga nawe aiiza ku mwene wakwe, amunena ati, ‘Mwene, namanya vino wewe mutale pano ukazombola pano utakomile, ukakolonganika pano utasansansile.

Mpendwa 21:5

Alino lyene iyatandika ukuilizyanya kuli Yawe na kuli Mose, yati, “Uzye pacani cino watufumizye mu Eguputo nu kutuleta muno mu lwanga umwakuti tufwe? Musi ivyakulya! Musi amanzi! Ivyakulya vii ivyaulanda vyativifuula!”

Kufuma 16:8

Lyene Mose atwalilila kuvwanga ati, “Yawe ali wino alamupeela inyama zyakulya cila manguzi nu kumupeela umukate uvule cila katondo pano Yawe atauvwa kuilizyanya kwinu kunoli. Nga naswe sweswe yaweni? Lino mukuilizyanya kuli sweswe ala mutakucita cico kunotuli, lelo akuli Yawe.”

Kufuma 16:3

Liyanena liti, “Ngani cazifile kuti Yawe aleke tufwile mu Eguputo. Kuku twalyanga inyama ni vyakulya vyuze tukwikuta. Lelo mwatuleta mu lwanga kuti swensi tufwe ni nzala.”