21 Lolini, Yawe Leza winu watamupeela impanga. Yangini mukapokolole impanga ilya wakwe vino Yawe, Leza wa vikolwe vinu, wamunenyile. Mutuvwa intete nanti kutovoka.’
Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”
Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”
A Leza ali wino swemo tukazina munoli. Nupya ali wino akatupeela na maka, akatwazwa lyonsi sile lino tukaya umu ucuzi.
Alino Kalebu akonkomezya antu akongine kuli Mose, ati, “Kwene tulinzile twakatuka nu kuya poka impanga iyo, pano tungayacimvya.”
“Mutoopa, mwe ufyo unono wa mfwele, pano So camuzanzya kuti amupeele Uwene wakwe.
Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.
Leza Wamaka yonsi waya naswe, Leza wakwe Yakobo ali cele litu!
Icacumi swemo twaya na Leza Wamaka yonsi. Leza wakwe Yakobo ali cele litu!
Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.
“Ndi mwaya ku kulwa inkondo, mwalola ukuti anisi inu pamwi ni vilwilo vyao ivya nkondo ivili wa maceleta, ni mfwalasi, vyaluta iviinu ku wingi, mutakuvwe intete. Pano Yawe Leza winu, uwamufumizye mu Eguputo alaya namwe.
Lyene namunenyile inti, ‘Mwatimufika ku mpanga ya myamba ya ina Amoli, ino Yawe Leza witu akutupela.
Nga lino Yawe wamutumile ukufuma pa Kadesyi Banea, wene wamupeezile ilamulo kuti mukatuke mutumbele ku kupoka impanga ino wamupeela iye iyakwinu. Lelo mwemo mwasangukila ilamulo lyakwe Yawe Leza winu. Mwemo mutamutaile nanti kumuyela.
“Alino apakuti yatuuke uku nzala wayapeelanga icilyo ukufuma kwiyulu. Apakuyapususya uku lusala nalyo wayapeelanga amanzi ukufuma umwiwe. Wemo wayanenyile ukuya pokolola impanga ino walavile ukuyapeela.
Mutakezye ukuyoopa. Mwiusye vino Yawe wacisile kuli Falao nu ku antu yakwe yonsi.
Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.
‘Mwe ina Izlaeli, muvwikisye! Ilelo mwatimwaya ku nkondo. Mutezya ukoopa anisi inu nanti ukutovoka, nanti ukuleka ukuti amano inu yapelengane.
Posyini nupya muzyansye. Mutezya ukuyoopa nanti ukuzakaza, pano Yawe Leza winu amaya namwe. Wene atalatala amusye nanti ukumutazyela.”