Malaki 3:8 - Amazwi Yakwe Leza 2013

⁸ Uzye umuntu angiyila Leza? Awe citange cicitike. Lelo mwemo mukunjiya. Namwe muuzya muti, “Umu nzila cii?” Umu cikumi na mawila.

Malaki 3:8 交叉參考

Mateo 22:21

Nao yamwasuka yati, “Ivyakwe Kesa.” Alino nawe ayanena ati, “Caleka pelini Kesa vyakwakwe, Leza nawe mumupele vyakwakwe.”

Mako 12:17

Alino Yesu ayanena ati, “Pelini Kesa vyakwakwe, Leza nawe mumupele vyakwakwe.” Lyene yazunguka pa mivwangile yakwe.

Masamu 29:2

Pelini Yawe umucinzi, ulingine ni zina lyakwe, cindikini Yawe umwi sano lyakwe ilyamuzilo.

Loma 2:22

Wemo ukalesya yauze uti, “Mutalongozya.” Lelo uzye wemo usyalongozya? Wemo wapata tuluwi, lelo uzye usyaiya vya pa maleza?

Loma 13:7

Mupele uteko vyonsi vino muli nu kupeela, kuli kuti musonko wa mwili nu musonko wa vintu vino mwakwata, nupya mwafukila yakateeka yonsi nu kuyacindika.

Luka 20:25

Nao yaasuka yati, “Ivyakwe Kesa.” Caleka nawe ayanena ati, “Lyene pelini Kesa vyakwakwe, Leza nawe mumupele vyakwakwe.”

Malaki 1:13

Yawe Wamaka yonsi wavwanga wati, Mwemo mukati, ‘Mwe, ala icintu cii icifuule!’ Nga imwaifyola. “Mwemo mukaleta amawila ya nyama zino mwiya nanti izilemale nanti zilwale. Uzye mukwelenganya ukuti ndazumila amawila yayo ukufuma kuno muli?

Yoswa 7:11

Aina Izlaeli yatiyifya. Yatiyaluvyanya Upangano wane uno nayapile ilamulo kuti yausunge. Yene yatiyatola ivintu vimwi vino vyapeelwa ku kononwa. Yene yatiyaviya, yatiyatumpoka, yatiyavifisa mu viya vyao.

Malaki 1:8

Yawe Wamaka yonsi wavwanga wati, ‘Lino mukaleta inyama impafu nu kuzipela wa mpolelwa, uzye mukacita icisuma? Lino mukaleta inyama zilemale ni zilwale imuzipela impolelwa, uzye mukacita icisuma? Mwezye ukupeela inyama zizyo ku mulasi! Uzye mungamuzanzya pa kucita cico? Uzye wene angamucitila cimwi icisuma?’ ”

Zakaliya 5:3

Nawe apali pakunena ati, “Pa lupapulo lulo palemvilwe ulutipu ulwakutipwila insi yonsi. Ulusansa longa pa lupapulo lulo palemvilwe ukuti umwivi wensi yalamuzinga umu mpanga, nu lusansa luze lwa lupapulo palemvilwe ukuti umuntu wensi wino akalapa ufi yalamuzinga umu mpanga.”

Aina Levi 19:25

Lelo mu mwaka wakwe cisano mungalya iviseekwa vya ku miti iyo. Ndi cakuti mulacita vyonsi vii, imiti inu ilaseeka iviseekwa vivule cuze. Nene indi Yawe Leza winu.

Mapinda 11:24

Umwi angatwalilila ukupeela ivintu vyakwe luse luse uku yauze, lyene ala akalukulunduluka umu ukankala wakwe. Lelo umwi nawe ndi wati atale aezye, ala wama sile upina utupu.

Ezaya 43:23

Mutandetelanga imfwele zya mawila yakoca, nanti ukuncindikila mu mpolelwa zinu. Intamucuzya foo, apa kumulenga kuti mundetele amawila ya vyakulya nu ubani.