Malaki 2:3 - Amazwi Yakwe Leza 2013

³ “ ‘Ndavunuka amu mupanda winu nu kumukantaizya impumi zinu ni vyamumala ya nyama kwene zino mukapeela impolelwa. Ndamuvwintila pa citumba, lilyo ale mwatimukandana navyo.

Malaki 2:3 交叉參考

Naumi 3:6

Ndakwitila ivyawinyi, nu kukusausya, nga ndaleka antu yonsi yakulole nu kuzunguka,

Malaki 2:9

Acino nani, pakumuswilizizya cico, ndaleka aina Izlaeli yamusuule pamulandu wakuti mutakuyela vino nkalonda kuti mwacita, nga nupya mukafyenga antu pa kuyaputwila imilandu na kasoozi.’ ”

Yowelo 1:17

Imbezu zyonsi zyatizikonkotana pano umusili watiuma. Inkoma zyonsi nazyo kwene zyatizisambuluka. Intanta zyonsi zyatizyononeka pano kusi icakusungilamo.

1 Yamwene 14:10

“‘Pamulandu wakwe cii, ndaleta uzanzo pa amu mupanda wako, we Yeloboamu. Ndonona umonsi wensi uwamu mupanda wako, umuzya nanti umuntungwa kwene. Ndalovya amu mupanda wako we Yeloboamu ndi vino umuntu akasisya citindi wensi pyu api yanza.

Kufuma 29:14

Lelo inyama yakwe cipambasi, mukwela nga ni vyamunda ukavyocele kunzi ya nsakwe. Ukwene uli wila wa kwelela amaifyo yakwe yasimapepo.

1 Kolinto 4:13

Lino antu yatutuka, swemo tukaasuka na mazwi ya mutembo. Ndakai antu yakatulola wa vikona vyamu nsi, nga nu kuti sweswe yaipe cuze mu antu yonsi amu nsi!

Luka 14:35

Utangazipila musili nanti muvundo. Wene ulasumbwa. Ali na matwi yakuuvwa, auvwe!”

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Masamu 83:10

Wayacimvisye uku Endoli, ni vyala vyao apano vyatikite wakwe citindi.

Yobo 20:7

lelo wene alongoloka sile wa muyeye. Na yayo amumanyile yatandika nu kuuzya yati, Mwe, uzye umuntu wilya waya kwi?

Aina Levi 26:16

ndalenga kuti muvunukwe. Nkaalenga kuti uzanzo upone panomuli ni ndwala zyaula kupoziwa, ni ndwala zyakulenga kuti mupafule nga nu kulenga kuti umi winu ucepe. Mukaalima nu kukomela imbezu zinu. Lelo musizombola nanti cimwi, pamulandu wakuti anisi inu yakaamucimvya nu kulya ivyakulya vinu.

Malango 28:38

“Mulakomela imbezu zivule, lelo utwa uzombozi tulaya utwa ciwelewele, pamulandu wakuti makanta nawe alalya ivyakulya vinu.

Masamu 47:5

Awiyo Leza waya uku kwikala pa cilimba ca wene! Yakumumila utupundu, yakulizya ni ntandala!

Yowelo 1:10

Ivyalo vyalala, umusili ukulosya pasi pano musi ingano, imitingi yonsi yatiuma. Imiolivi nayo kwene yatiuma.