Mako 3:3 - Amazwi Yakwe Leza 2013

³ Yesu anena umuntu uwali ni cizanza cilemale ati, “Katuka iza kuno ku nkolelo.”

Mako 3:3 交叉參考

1 Petulo 4:1

Klistu wacuzile ku mwili lino wali pano pa nsi. Acino namwe kwene mulinzile kuikomelezya mweisikulu ni myelenganyizizye ili yonga na ino wene wakweti. Pano wino wensi uwacula ku mwili ala wene asyakukumako ku kwifya nupya.

Filipi 1:14

Nupya cii cati cilenga kuti aina itu aingi yakule mu utailo yakosola ilandwe insita zyonsi kwaula intete.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

Yoane 9:4

Lino ucili musanya, katule tuombe milimo yakwe wino uwantuma. Usiku ukwiza lino umuntu atangaomba.

Luka 6:8

Lelo Yesu amanya melenganyo yao nga anena umuntu uwali ni cizanza cilemale ati, “Katuka iza kuno ku nkolelo.” Umuntu akatuka aya aimilila kunoli.

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Ezaya 42:4

Wene atalatala atovoke nanti ukutonsiwa foo suka sile akaleke ulungami uye pano nsi, apamulandu wakuti impanga zya kutali zikulolela usambilizyo wakwe.”

Mateo 12:10

umwali umuntu uwali ni cizanza cilemale. Lyene antu yamwi ali penepo yalondelezyanga mulandu wakupeela Yesu, nga yamuzya yati, “Uzye ciine na masunde kupozya mulwale pa Sabata?”

Mako 3:2

Lyene antu yamwi ali penepo yalondelezyanga mulandu wakupeela Yesu. Caleka yamucevya kuti yalole ndi amapozya umuntu pa Sabata.

Mako 3:4

Lyene auzya antu ati, “Uzye Masunde itu yazumilizya kucita cani pa Sabata? Uzye ukuombela antu visuma nanti kuyaombela viipe? Uzye ukutuula umi wa muntu nanti kuulovya?” Lelo yataswike nanti cimwi.