Mako 10:1 - Amazwi Yakwe Leza 2013

¹ Lyene Yesu afuma ku Kapenaumu, aya ku muputule wa mpanga ya Yudeya alamba luzi lwa Yodani. Nupya maumba iiza kunoli, nawe ayasambilizya, mwaelile mwata wakwe.

Mako 10:1 交叉參考

Yoane 10:40

Yesu apita nupya ku mbalama yuze ya luzi lwa Yodani, ku cifulo cino Yoane watandikile kuwatizya, akuno aya aikala.

Mako 4:2

Atandika kuyasambilizya vintu vingi mu milumbe ati,

Yoane 11:7

Lyene anena alondezi ati, “Tuini tuswilile ku Yudeya.”

Mako 6:34

Lino Yesu wapatuka mu wato, alola iumba likulu cuze, nga aya ni nkunkunsi, pano yakoline wa mfwele izitakweti kacema. Lyene atandika kuyasambilizya vintu ivingi.

Mateo 4:23

Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Yelemiya 32:33

Nanti angala yayasambilizyanga umute ukwaula nu ukasu, yatali akuuvwa nu kupokelela isunde lyane. Yamfutatila, yakana nu kundolekesya.

Yoane 18:20

Yesu amunena ati, “Nsita zyonsi navwanganga paswe kuli cila muntu. Kusambilizya kwane konsi kwacitwanga mu mang'anda yamapepo, nga nu mu Ng'anda ikulu yakwe Leza, muno Ayuda yonsi yakongananga. Ntatala navwanga cimwi mu nkama.

Mako 6:6

Wene azunguka cuze, pano antu yatakweti utailo munoli. Alino aya mu mizi yazingulwike ala akusambilizya antu.

Mako 2:13

Yesu aswilila ku nkumba yakwe yemba wa Galile. Iumba likulu cuze liiza kunoli, nawe atandika kulisambilizya.

Kasambilizya 12:9

Pamulandu wakuti kasambilizya wali uwamano, wene wakonkomizye antu vino wamanyile. Wasambilile imvwango nu kulondelezya nga azana icumi muno zili.

Mateo 26:55

Pa kasita kaka, Yesu anena iumba ati, “Uzye mwizile kuli nene ni mpaanga ni zya ntuwa pa kundema, ungati nene cipondo? Manda aingi nazanwanga mu Ng'anda ikulu yakwe Leza, ala nkusambilizya, nga namwe mutandemile.

Mako 1:21

Yesu na alondezi yakwe iiza ku musumba wa Kapenaumu, na pa Sabata lyalondelilepo Yesu aya mu ng'anda ya mapepo atandika kusambilizya.

Mako 6:2

Pa Sabata atandika kusambilizya mu ng'anda ya mapepo. Antu aingi, amuvwile yazunguka cuze. Alino yauzyanya yati, “Uzye aukwi kuno umuntu wii wafumya vintu vii vyonsi? Amano ya musango ci apelwa kunoli, pakuti acita ivinjelengwe?

Mako 10:2

Lyene Afaliseo yamwi iiza kunoli yamwezya yati, “Uzye cilingine na Masunde kuti umuntu angata umuci wakwe?”

Mako 12:35

Lino Yesu akusambilizya mu Ng'anda ikulu yakwe Leza, auzya antu ati, “Uzye yakasambilizya ya Masunde yangalanda uli yati Katuula uwalavilwe umwana wakwe Davidi?

Mako 14:49

Nali namwe manda aingi ala nkusambilizya mu Ng'anda ikulu yakwe Leza, nga namwe mutandemile. Lelo pano amalembelo yalinzile yafikiliziwe.”