Luti 4:12 - Amazwi Yakwe Leza 2013

¹² Ukupitila mu ana yonsi yano Yawe alakupeela mu mukazyana wi, si yangala yakaye wa ana yakwe Pelezi, wino Tamala wavyalile Yuda.”

Luti 4:12 交叉參考

Utandiko 38:29

Lelo waswilizye ikasa, umwina aliwe aiza avyalwa inkolelo. Lyene yanakambuza yati, “Vi avino wazana inzila yakwizilamo!” Caleka yamutemela izina yati Pelezi.

1 Milandu 2:4

Tamala, nyinavyala, nawe amuvyalila Pelezi na Zela. Yuda wakweti ana aonsi yasano.

1 Samueli 2:20

Eli pali pakupolelela Elikana nu muci wakwe, ala akuti, “Sa angala Yawe akamupeele ana nayauze muli mama wi kuti akapyanikizye pali wii wino mwapaatwile nu kupeela kuli Yawe.” Lyene pacisila iyaswilila kumwao.

Mateo 1:3

Yuda wali a isi wakwe Pelezi na Zala yano avilwe muli Tamala, Pelezi wali a isi wakwe Esiloni, Esiloni wali a isi wakwe Lamu,

Utandiko 46:12

Ana yakwe Yuda aonsi yali a Ele, Onani, Syela, Pelezi, na Zela. (Lelo ana yakwe Yuda yauze aonsi a Ele na Onani yene yafwile ala yacili mu mpanga ya Kenani.) Ana yakwe Pelezi aonsi yali a Heziloni na Hamuli.

Luti 4:18

Lyene uu uli mupanda wakwe Pelezi: Pelezi wali a isi wakwe Heziloni,

Malaki 2:15

Uzye Yawe atakuumvile kuti uye umwili nu mupasi onga nu muci wako? Uzye wene wakweti ipange cii pa kucita cico? Umulandu uno wene wacitile cico, apakuti ana yano ulakwata yakaye ana yakwe Leza. Acino uisunge, nga utavuna upangano uno wacisile nu muci wako wino watwite mu ulumendo wako.