Luti 3:9 - Amazwi Yakwe Leza 2013

⁹ Boazi pali pakumuzya ati, “We, uzye wewe weni?” Nawe aasuka ati, “Nene Luti, umuomvi winu. Mvimbini mbali ukwi sempe lya nsalu inu, pano mwemwe mwatimukwata insambu yakupyana wiyo uwali uwane.”

Luti 3:9 交叉參考

Ezekelo 16:8

“Nga lino napisile umupipi nawe, nakulolekesya, nazana nu kuti insita yako iya citemwiko, yatifikila. Alino niza navungulula isempe lya cikuwalo cane, nakuvimbilikizya apakufisa impamba zyako, pano wali tupu. Nga lino nalapa nu mulapo wakupingana nawe upangano pano lyene waya wewe wane.” Vii, ivyalanda ne Yawe Simwandalali.

Luti 2:20

Naomi pali pakuvwanga ati, “Si kawala! Si Yawe kalukupolelela Boazi! Yawe asita ukulanga uluse ku apuma na afwe kwene!” Naomi atwalilila ukunena Luti ati, “Umuntu kwene wiyo wapalama sana ku akazi kitu. Wene awenga pa antu itu akwata insambu zya kukupyana.”

Luti 3:12

Kwene nanti angala icacumi ukuti nene mpalamisye mu aluko, lelo akuno ali umuntu umwi akweti insambu ya kupyana.

Luka 14:11

Pano wensi akaikuzya wene alacefiwa, na wino wensi waicefya wene alakuziwa.”

1 Samueli 25:41

Abigelo nawe pali pakukatuka, afukama afupime nga avwanga ati, “Nene muzya wakwe, nupya nene muiteyanye ukufula ingazo zya aomvi ya musambazi wane.”

Luti 3:8

Pakasi ka usiku lino akuti nseleuke, acilimukila alola nu kuti umwanaci umwi aizi ukuntambalilo.

Luti 3:10

Boazi nawe amunena ati, “Si Yawe angakupolelela, mwanane. Icumi walanga apaswe ndi vino wewe wakutailwa pali vino wacita ukuluta pali vino wacisile inkolelo. Pano wemo utalondelelanga alumendo, cisi cimwi yaye akama nanti apina.

Luti 4:4

Nelenginye ukuti ndinzile ukutuula umulandu uu kunuli, nu kukuuzya kuti ukale pa manso ya antu atenzi pano na pa manso ya nkombe zii zyonsi izili pano. Ndi cakuti ukulonda ukukulula, ungacita cico. Lelo ndi cakuti utakasi, lyene unene kuti imanye. Pano kusi umwi akweti insambu izya kucita cico, suka sile wewe, nga ndi wakana lyene ale anene.” Nawe avwanga ati, “Namakulula.”

Luti 4:6

Pakuvwa cii, umuntu wilya uwakweti insambu ya kupyana avwanga ati, “Ndi cili vivyo, ale lyene ntangakala icalo cico pamulandu wakuti ukucita cico cingaleta uzanzo ku calo cane. Fwandi wewe kwene ulinzile kuombela pa nsambu yane, nemo naposiwa.”