Luti 3:3 - Amazwi Yakwe Leza 2013

³ Ali cino fulala upakale na mafuta acinunu cisuma, nga uzwale ni vyakuzwala vyako ivisuma ukuluta. Lyene utentemukile ku lwano lwa kupuulila akuno ukasokelele, lelo utaleka amanye zuwa ukuti akuno uli. Ulolele mpaka amale ukulya nu kumwa.

Luti 3:3 交叉參考

2 Samueli 14:2

Acino Yoabu atuma umuntu umwi ku Tekoa uwakuya senda umwanaci umwi uwamano. Lino umwanaci wilya wafika Yoabu amunena ati, “Nkulonda kuti uicite wa muntu ali ni ndosya. Uzwale nu mupango ku mutwe, utasakula ni nyele. Uloleke kwati aumwi uwapokelile mpiti indosya.

Esita 5:1

Pa wanda wakwe citatu uwa kuleka ukulya, Esita azwala umwingila wakwe unamwene. Lyene aya aimilila umukasi ka musolo wakwisano, ala wataikala, asumvile na manso uku mulyango. Umwene Aasuwelo amuno wali, ala atenzi apa cilimba ca wene, watalozya ni cinso lwaku mulyango.

Mateo 6:17

Lelo wemo lino ukuizilizya ukulya, ufulale pa manso. Paka umutwe wako na mafuta,

Kasambilizya 9:8

Lyonsi uwazwala ivitiswe, nu kupaka amafuta apa manso, apakulanga insansa nu luzango.

Masamu 104:15

nu kusuta waini uwakumusansamusya, aenga na mafuta amu olivi akumuyemvya umwili, nga alino ni cilyo cakumupeela amaka.

Luti 3:2

Iusya ukuti Boazi umuntu witu, nga na aomvi yakwe akazyana mwaombanga nayo. Ilelo usiku Boazi amaya ku kwela imbezu zyakwe baale pa lwano lwakwe lwa kupuulila.

Luti 3:4

Lino amaya ku kulala, wemo ucevye sile ku ncende kuno alalile. Alino ukapalame nu kumuvimbula ku ngazo nga akuno nawe ulambalale. Wene amaya akakunene ivyakucita.”

2 Samueli 12:20

Lyene Davidi akatuka pansi, aya mu kufulala, asakula ni nyele zyakwe ningo, nga azwala ni vyakuzwala vyuze. Alino aya ku ng'anda yakwe Yawe atandika nu kupepa. Lino waweluluka ukwi sano ukwakwe, alenga icakulya nga zuwazuwa lino yamwimula alya nu kulya.

Ezekelo 16:9

“Natoozile na manzi, nakufula uwazi wa mbuza nakupaka na mafuta.