Luti 1:6 - Amazwi Yakwe Leza 2013

⁶ Lino papisile insita, Naomi uvwile ukuti Yawe wapolelela antu yakwe apa kuyapeela ivyakulya ivingi. Acino wene pamwi na nyinavyala iyaiteyanya ukufuma ku Moabu.

Luti 1:6 交叉參考

Masamu 132:15

Ndapolelela wakwe cimwi umusumba wa Zioni apa kuupela vyonsi ivyulila mwenemo. Apina ya mwenemo nda iimula ni vyakulya ivivule.

Masamu 111:5

Aliwe akateyanyizizya antu yakwe amukwatila icoopo, icakulya nupya asiilila nanti panono uku upangano wakwe.

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Kufuma 3:16

“Pitanga kakonganike intunguluzi zya ina Izlaeli pamwi. Ukayanene uti, ‘Yawe, Leza wa vikolwe vinu, Leza wakwe Abulaamu, na wakwe Isaki na wakwe Yakobo, wataloleka kunondi nga wali wanena wati, Nkamiwaka nupya natindola vino aina Eguputo yakucita kunomuli mu Eguputo.

Luka 19:44

Yalakuwisya pansi nu konona antu yano aikala mwenemo. Nupya yatalasya iwe pa lyuze, pano utilwike kasita kakwiza kwakwe Leza kuti akutuule.”

Luka 1:68

“Lekini tulumbanye Mwene Leza wa Izlaeli, pano wataiza ku kutandalila nu kukulula antu yakwe.

Mateo 6:11

Utupeele vyakulya vitu vya manda pe.

Yelemiya 29:10

“Nupya Yawe wavwanga wati suka sile imyaka amakumi cinimbali ino yamupimila ku Babiloni ice isile, alino ndiza mupempule. Ndafikilizya nu ulayo uno nalavile apakumuwezezya umu ncende ii.

Ezaya 55:10

Ndi vino imvula na mawe ya mvula vikapona ukufuma mupela nu kuswilila foo, suka sile vyatala vyakontelela impanga, vyaleka yavunda, vyamezya imbezu, nu kupeela katovya icakulya,

Zefaniya 2:7

Amu mutundu wakwe Yuda asyala yalikala mu mpanga inu. Yene yalacemelamo iviteekwa vyao nu kusendama mu mitanda ya ina Asyikeloni. Yawe Leza wao alayasakamala nu kuleka yaye nu longo nupya kwene.

Masamu 146:7

Akapeela acule insambu zyao, ni cakulya uku yanzana.

Masamu 145:15

Amanso yakwe vyonsi ivipuma yakulola pali wewe, nga nawe ukavipeela ivyakulya apa nsita ilingine.

1 Samueli 2:21

Yawe nawe pali pakuvwila Hana uluse. Hana aca akwatilapo ana nayauze, aonsi yatatu na anaci yaili. Lelo Samueli wene akula umu kutumikila Yawe.

Utandiko 50:25

Lyene Yosefu anena aina yakwe kuti yalape nu mulapo. Ayanena ati, “Lapini kunondi, ukuti lino Leza alamutungulula ku mpanga ilya, mulasenda amafupa yane ukufuma kuno.”

Utandiko 48:15

Lyene Yakobo apolelela Yosefu ati, “Si Leza wino ivikolwe vyane, Abulaamu na Isaki, yatumikilanga apolelele alumendo yaa! Si Leza wino uwantungulula kufika na pa wanda wi lelo apolelele alumendo yaa!

Utandiko 28:20

Lyene Yakobo alaya nu mulapo kuli Yawe ati, “Ndi ulaya nani nu kuncingilila mu ulendo wane uno nkweti, nu kumpela ivyakulya ni vyakuzwala,

Utandiko 21:1

Yawe apolelela Sala wakwe vino walavile

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Timoti 6:8

Caleka ndi tukweti vyakulya ni vyakuzwala, ale vikwene vyati vitulingana.

Masamu 147:14

Waleta umutende mu mipaka yako, nu kukwikusya uku ngano izisuma.

Mapinda 30:8

Utaleka nje uwantumpu kunuli, lelo funtusya ucenjezi onsi kunondi. Nupya utaleka nje umupina nanti umukama. Fwandi uwampelako sile icakulya icilingine,

Luti 1:5

Maaloni na Kilyoni nayo kwene iyafwa, nga Naomi asyala ukwaula ana nanti iya.

Luti 1:7

Naomi na yanyinavyala yoili iyatandika ulendo wakufuma kuno yatenzi, iyatenuka iyatola umuseo kulungama ku mpanga yakwe Yuda.

Masamu 102:14

Pano aomvi yako yatemwisya Zioni, nanti angala yamuongolola. Yakamulila nanti angala wasyala ivitalang'anda.

Yowelo 2:19

Yawe aasuka antu yakwe ati, “Namamutumila ingano, ivyakumwa na mafuta, nupya mulikuta cuze. Ntalazumilizya nupya kuti ainamasi yamuwele nu kumutumfya.