34 Lino acili akuvwanga, Lyene ikumbi liiza liyavimba. Caleka alondezi yuvwa intete lino cinzingwa ci kumbi cayavimba.
Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.
Acino nasile nenga, ala nkulolekesya icilolwa cici cikulu. Munondi mutasile nanti amaka, nu usyu wane iupona cakuti kutali nanti wenga wakundooka.
Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.
Manoa anena umuci wakwe ati, “Owe, tumafwa, pano twatitulola Leza!”
Gidyoni pali pakwiluka ukuti umungeli wino waweni uwakwe Yawe nga avwanga ati, “Yawe Simwandalali! Natindola umungeli wako na manso ntontonto!”
Lino yaa yaili yacilifumapo yasya Yesu, Petulo anena Yesu ati, “Kasambilizya, catuzipila kuti twali tutenzi kuno kwene. Tumakuula insakwe zitatu, yonga iyakwako, yuze iyakwe Mose, nayuze iyakwe Eliya.” (Atamanyile cino wavwanzile.)
Ni izwi lyuvwika kufuma mwi kumbi liti, “Wii, Mwanane wino nasolola, mwamuvwa.”
