Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.
aimilila kwi tundu ku mbali ya ngazo zyakwe Yesu, ala akulila, akuponyezya minsozi pa tuntunta twa ngazo zyakwe Yesu. Lyene akumbula ingazo zyakwe Yesu ni nyele zyakwe, azitonsola nga azipongolwela amafuta acinunu cisuma.
Lyene na konsi kuno Yesu wayanga, mu mizi, nu mu misumba, nu mu mpanga, antu yasendanga alwale nu kuyaleta mu musolo wa pi sokoni. Alino yamulenga kuti aleke alwale yaleme nanti kwi sempele lya cizwalo cakwe. Na yano yonsi alemileko yapoziwe.
Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”
Pamulandu wa milimo ino atumwa yacitanga, antu yaleta alwale yao mu miseo yayalalika pa vitala na pa vintamba pakuti lino Petulo akupita, cinzingwa cakwe ciwile pali yamwi.
