Luka 8:42 - Amazwi Yakwe Leza 2013

⁴² Pano umwana wakwe wenga sile kaci, uwali ni myaka manye ikumi na iili, wali pipi nu kufwa. Lino Yesu wayangako, amaumba yamuunganila.

Luka 8:42 交叉參考

Luka 8:45

Yesu auzya ati, “Uzye aweni uwankumya?” Lino yonsi yakana, Petulo ati, “Kasambilizya, antu yonsi yati yakuunganila nu kukupupumila.”

Luka 7:12

Lino wapalama pa mpongolo ya musumba, akomanya iumba likulu ilya fumangamo ala yasenzile icala. Icala cii cali ca mwana umonsi wenga sile mu mwanaci uwali mukamfwilwa. Iumba likulu kufuma mu musumba nalyo lyamusukilile.

Loma 5:12

Iifyo lingile muno nsi pamulandu wa muntu wenga, nga ni iifyo lyakwe ilyaleta imfwa. Caleka, imfwa nayo yasalangine mu antu yonsi pano antu yonsi iifizye.

Mako 5:24

Yesu apita nawe, nga iumba likulu lilondela Yesu limuunganila.

Ezekelo 24:25

Nga alino Yawe wanenyile nupya ati, “We mwana wa muntu, nemo ndayapoka ing'anda yao ikulu yakwe Leza, ino yene yakamekelapo pano yakayuvwa, nupya ikayasansamusya. Yakaitamba nu kuipempula. Nupya ndayapoka ana yao aonsi na anaci.

Ezekelo 24:16

“We mwana wa muntu, nemo namakupumikizya pa kusenda umuntu wino watemwisya wakwe cimwi. Fwandi wemo cisi cakwezya ukuilizyanyapo, nanti kupomola impooma nanti kulukusya aminsozi.

Kasambilizya 6:12

Uzye aweni angamanya icingatuzipila mu manda itu anono aumi witu uwasilesile, umi uno ukapita wa cinzingwa? Uzye tungamanya uli icilacitika mu nsi pacisila ca mfwa itu?

Yobo 4:20

Umu nsita zya katondo yazanwa apuma. Lelo apakuti kawe ala yatiyafwa mpiti, nga kusi nu wakuyiusya.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Luka 8:41

Lyene kwiza umuntu izina lyakwe a Yailo, wiyo uwali intunguluzi yamu ng'anda ya mapepo. Afukamila Yesu amupapata kuti apite nawe ku ng'anda yakwe.

Luka 8:43

Kwali umwanaci umwi uwalwile cendamongo pa myaka ikumi na iili. Wasumvile vyuma vyakwe vyonsi kuli yasing'anga lelo kutali nanti wenga wakuti amupozye.