Luka 7:7 - Amazwi Yakwe Leza 2013

⁷ Caleka, nanti anene nemwisikulu, ntakuyelenganyizizya ukwiza kunuli. Lelo vwanga sile izwi, nu muomvi wane amapola.

Luka 7:7 交叉參考

Masamu 107:20

Wene apeela ilamulo lyakwe, nu kuyapozya ayapozya, ayafumya nu mu cinzingwa ca mfwa.

Luka 4:36

Antu yonsi yazunguka cuze yuzyanya yati, “Uzye icani cii? Uzye uu umusango uze upya uwakusambilizizyamo na maka? Muntu wii ali na maka akupeela ilamulo ku mipasi yankota nga nayo ifuma!”

Masamu 33:9

Lino wavwanzile sile insi ipangwa. Ukwi zwi lyakwe sile ivintu vyonsi iviyako.

Mako 1:27

Antu yonsi yazunguka cuze, yuzyanya yati, “Uzye icani cii? Uzye uu umusango uze upya uwakusambilizizyamo na maka? Muntu wi ali na maka akupeela ilamulo ku mipasi yankota, nayo imuyela!”

Luka 5:13

Yesu atambalika ikasa lyakwe amulemelela, nga amunena ati, “Nkasi, pola!” Lilyo kwene tembwe auluka ku muntu.

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.

1 Samueli 2:6

Yawe aliwe akaleta imfwa nupya aliwe akapeela umi. Wene akatwala antu kuzimo, nupya akweti amaka akuyazyukula.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Luka 7:6

Lyene Yesu apita nao. Lino wali pipi ni ng'anda, musika atuma yacuza yakwe ku kumunena ati, “Mwene, utaicuzya, pano nemo ntalinzile kuti wize mu ng'anda yane.

Luka 7:8

Pano nani kwene, nene muntu uwalasikwa na maka ku uteko pi sika lya ntunguluzi zikulu. Nani kwene nakwata asilika yano nkaangalila. Ndi nanena wenga nati, ‘Pita!’ Nawe apita, nu ku muze inti, ‘Iza!’ Nawe aiiza, nupya ndi nanena muzya wane nati, ‘Cita cii!’ Nawe acita.”