Luka 7:44 - Amazwi Yakwe Leza 2013

⁴⁴ Lyene aseleukila ku mwanaci nga anena Simoni ati, “Uzye walola umwanaci wii? Kufuma lino ningile mu ng'anda yako utampile manzi akufulala ku ngazo. Lelo wene wafula ingazo zyane na minsozi yakwe nu kuzikumbula ni nyele zyakwe.

Luka 7:44 交叉參考

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

Yakapingula 19:21

Acino amusezya umu ng'anda yakwe apeela na yapunda yakwe ivyakulya. Lyene pacisila ca kufulala ingazo zyao, yonsi kwene iyalya nu kumwa.

Utandiko 43:24

Alino kangalila aingizya aina yakwe Yosefu mu ng'anda. Apela amanzi kunoyali pakuti yangafulala ingazo zyao, nga apeela na yapunda ivyakulya.

Utandiko 19:2

alino avwanga ati, “Yasambazi napapata izini ku ng'anda ya muomvi winu. Mukafulale ingazo nu kulala. Katondo ulaca mwapita kuno mukuya.” Nayo yaasuka yati, “Awe twayalala mu musolo wa musumba.”

Utandiko 18:4

Lekini yalete utumanzi mufulale ingazo, nga mutale mupuze mu cisao ca muti uu.

1 Samueli 25:41

Abigelo nawe pali pakukatuka, afukama afupime nga avwanga ati, “Nene muzya wakwe, nupya nene muiteyanye ukufula ingazo zya aomvi ya musambazi wane.”

Yakobo 2:6

Lelo mwemo mukasaalula apina! Uzye asi akama akamucuzya nu kumutintanya yamutwala ku vilye vya milandu?

2 Samueli 11:8

Lyene Davidi anena Uliya ati, “Pitanga utentemukile ukwako nga ufulale ingazo.” Acino Uliya afuma mwi sano, nga iyamulondezya uwila ukufuma ku mwene.

Luka 7:38

aimilila kwi tundu ku mbali ya ngazo zyakwe Yesu, ala akulila, akuponyezya minsozi pa tuntunta twa ngazo zyakwe Yesu. Lyene akumbula ingazo zyakwe Yesu ni nyele zyakwe, azitonsola nga azipongolwela amafuta acinunu cisuma.

Luka 7:43

Simoni aasuka ati, “Nkwelenganya angaya awilya uwakweti nkongole izingi.” Yesu amunena ati, “Wavwanga ningo.”

Yoane 13:5

Lyene aitila manzi mu lweso lwa kufulalilamo nga atandika kufula ingazo zya alondezi, nu kuzikumbula ni cikutulo cino wanyefile mu musana.