Luka 6:47 - Amazwi Yakwe Leza 2013

⁴⁷ Wensi akaiza kunondi nu kuvwa mazwi yane nu kuyela, namamulanga cino wakolanako.

Luka 6:47 交叉參考

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Yoane 14:15

“Ndi mwantemwa mwayela masunde yane.

Yakobo 4:17

Caleka, umuntu wino asyacita cisuma cino amanyile ukuti alinzile kucita ala ali nu mulandu uwa kwifya.

Mateo 12:50

Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”

Yoane 13:17

Ndakai mwati mumanya vintu vii, nga ndi mukuvicita mulaya alongo.

1 Petulo 2:4

Izini kuli Yesu. Wene ali iwe lya umi lino antu yakana ukuti ilya mpomvu. Lelo Leza walisolwile wi we lyamutengo cuze.

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

Luka 14:26

“Wensi angiza kunondi atangaya mulondezi wane suka ndi wantemwa kuluta vino watemwa isi na nyina, nu muci na ana yakwe, aina aonsi, na yakaci yakwe, na vino watemwa umi wakwe kwene.

1 Yoane 3:7

Mwe ana yane, mutaleka umwi amusombe. Wino wensi akacita vyaololoke, wene waya umololoke ndi vino Klistu ali.

1 Yoane 2:29

Ndi mwamanya ukuti Klistu akacita vyaololoke, lyene mutatwisika ukuti umuntu akacita vyaololoke umwana wakwe Leza.

Yoane 10:27

Mfwele zyane zikauvwa izwi lyane. Nazimanya nga nazyo zikandondela.

2 Petulo 1:10

Caleka, inane ezyini na maka kucita consi icingalanga ukuti Leza wamwama nupya wamusolola. Ndi mwatwalilila kucita cii, ale lyene mutalatala mupone mu utailo winu.

Yoane 6:37

Onsi yano Tata wampeela yaliza kunondi, na wino wensi uwiza kunondi ntalamuzinga.

Yoane 6:35

Yesu nawe avwanga ati, “Nene cakulya icikapela umi.” “Wino uwiza kunondi ataluvwa nzala, nga na wino uwataila ataluvwa lusala.

Yoane 5:40

Lelo nalyo kwene mwemo mutakasi kwiza kunondi kuti muye nu umi wape.

Luka 8:13

Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Luka 8:8

Lelo imbezu zimwi ziponela pa musili uvunde, nga zikula nu kuseeka vizao vivule, zimwi umwanda onga.” Lyene lino wayanena vii, asanzika izwi ati, “Ali na matwi yakuuvwa, auvwe!”

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Yoane 8:52

Ayuda yati, “Ndakai twamanya nu kusininkizya vino uli nu mupasi wankota! Abulaamu wafwa, na yakasema nao yafwa nga nawe wavwanga wati, wino wensi, akayela mazwi yako wene atalafwa.

Luka 6:48

Wene wakolana wa muntu wino pa kukuula ing'anda yakwe wimvile mufula uzike, nu kukuula ing'anda yakwe pa lwala. Lyene mulamba aiiza nu mukuku, apuma ing'anda ilya, nayo itatensiwe pano yakuuzilwe ningo.