Luka 6:2 - Amazwi Yakwe Leza 2013

² Afaliseo yamwi yuzya yati, “Uzye pacani mukucita cii pa Sabata icitangazumiliziwa kucita mu Masunde itu?”

Luka 6:2 交叉參考

Mateo 12:2

Lino Afaliseo yalola cii, yamunena yati, “Lola, alondezi yako yakucita cii citalingine na masunde itu pa Sabata.”

Yoane 5:16

Caleka Ayuda yatandika kuzunya Yesu, pano wapozizye umulwale pa wanda wi Sabata.

Mako 2:24

Afaliseo yayalola, iyuzya Yesu yati, “Lola, alondezi yako yakucita cii citalingine na Masunde itu kucita pa Sabata?”

Luka 5:33

Lyene antu yalya yanena Yesu yati, “Alondezi yakwe Yoane na alondezi ya Afaliseo yakaizilizya ukulya lili lingi, nga nu kupepa. Lelo alondezi yako yene yakalya nu kumwa.”

Ezaya 58:13

Ndi cakuti umacindika wanda wi Sabata, wakana nu kucitamo vya uculuzi, watandika nu kuwaka wanda wi Sabata wa wanda umwi uwa nsansa, wacindika uwanda wamuzilo, wakwe Yawe, waucindika umu kukanaya ukutali, mwakana ukuomba penepo imilimo, nanti ukulanda ilyasi lya uwelewele,

Kufuma 35:2

mwaomba imilimo inu mu manda mutanda. Lelo uwanda uwalenga cinimbali, uwanda wi Sabata, wene uwanda winu wa kupuza, uwapaatwilwa kuli Yawe. Muntu ali wensi uwaomba imilimo pa wanda kwene uu alakomwa.

Kufuma 31:15

Muntu aombe imilimo yakwe yonsi mu manda mutanda, lelo uwanda uwalenga cinimbali uwanda wi Sabata wa kupuza, uwanda wamuzilo uno wapaatulwa kunondi. Ali wensi uwaomba imilimo pa wanda kwene uu, akomwe.

Kufuma 22:10

“Muntu umwi ndi wazumila kusungila mwinipamba punda, masaye, imfwele nanti iciteekwa cuze, lyene iciteekwa cico cafwa nanti cacisika, nanti casendwa mu nkondo, nga ndi pasi kambone,

Mateo 15:2

“Uzye pacani alondezi yako yasyayela intambi zino vikolwe vitu vyatusilile? Pano yene yakalya ni minwe ya mifitalila kwaula kufulala ku minwe kulingana nu lutambi lwa vikolwe vitu.”