Luka 5:8 - Amazwi Yakwe Leza 2013

⁸ Lino Simoni walola cati cicitika, afukama pa ngazo zyakwe Yesu amunena ati, “Ntaluke, Mwene, pano nene mwipe.”

Luka 5:8 交叉參考

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Yakapingula 13:22

Manoa anena umuci wakwe ati, “Owe, tumafwa, pano twatitulola Leza!”

Kufuma 20:19

Yanena Mose yati, “Wewe ndi wavwanga kunotuli, tumakuvwa. Lelo tuli ni ntete ukuti ndi Leza wavwanga kunotuli, tungafwa.”

Yobo 40:4

“Amazwi yano natimvwanga, akuzaila sile we Leza. Uzye fwandi ivyani vino nemo ningavwanga? Nemo ningika sile ulupi lwane apa mulomo, ulupi lwane apa kanwa, casila.

1 Samueli 6:20

Acino aonsi aku Beti Syemesyi iyuzya iyati, “Uzye aweni angimilila pa manso yakwe Yawe, Leza kwene wi uwamuzilo? Uzye akuli weni kuno tumatuma Mbokosi ya Upangano, pakuti afuntuke kunotuli?”

Mateo 17:6

Lino alondezi yuvwile izwi, yuvwa intete cuze cakuti yapona pansi yafupime.

Yoane 11:32

Maliya aiiza kuno Yesu wali. Lyene lino wamulola, amufukamila, amunena ati, “Mwene ndu yapo, kalume wane nga atafwile.”

Mateo 8:8

Lelo musika wa vita amunena ati, “Mwene nemo ntalinzile kuti wize mu ng'anda yane. Lelo vwanga sile izwi, nu muomvi wane amapola.

Mateo 2:11

Alino iingila mu ng'anda, yalola mwana wilya na nyina Maliya, yamufukamila yamupepa. Alino yasapula vyuma vyao, nga yamupeela mawila yakwe zaabu, ubani nga ni vyamununko usuma, Mule.

1 Yamwene 17:18

Mangu wilya anena Eliya ati, “Uzye icani cii cino wancitila vii, we kasema wakwe Leza? Uzye wiza kuno ku kwiusya Leza pa maifyo yane kuti aleke umwana wane afwe?”

2 Samueli 6:9

Davidi auvwa intete izyapali Yawe umu wanda ulya nga avwanga ati, “Uzye ningasenda uli Mbokosi ya Upangano yakwe Yawe?”

1 Kolinto 13:12

Ndakai tukulola vintu ciyeye kwati umwi lola. Lelo pa nsita iliiza tulalola cinso cakwe. Ndakai kumanya kwane kwa pali Leza kusi kufumaluke. Lelo lino insita iliiza kwene kulaya kufumaluke kwati kumanya kuno Leza wamanya nene.

Luka 5:7

Alino yakapizya auze ali mu wato uze kuti iize yayazwe. Lyene iiza, yazuzya mato oili cakuti yali pipi nu kuunda.

Luka 5:9

Wavwanzile vii pano wene pamwi nauze yazunguka uwingi wa nswi zino yumile.