Luka 5:22 - Amazwi Yakwe Leza 2013

²² Lyene Yesu amanya vino yakwelenganya mu myenzo yao, alino ayauzya ati, “Uzye pacani mukwelenganya vii mu myenzo inu?

Luka 5:22 交叉參考

Luka 24:38

Lelo nawe ayanena ati, “Uzye pacani mwasakamikwa? Uzye pacani mukutwisika mu myenzo inu?

Milimo 5:3

Lelo Petulo amuuzya ati, “We Ananiya, uzye pacani wazumilizya kuti Ciwa akutunke mu mwenzo kuti usombe Mupasi Wamuzilo apa kupaatula impiya zimwi pali zino wakweti lino wakazizye calo?

Mako 8:17

Yesu wamanyile cino yalanzyanyanga, caleka ayauzya ati, “Uzye pacani mukulanzyanya pamulandu wakuti musi na mukate? Uzye mutamanyile nanti ukwiluka? Uzye na ndakai kwene mutali mumanye?

Mateo 12:25

Lelo Yesu lino wamanya vino yakwelenganya ayanena ati, “Antu amu wene uli onsi ndi yakatukilana aisikulu nu kuilwisya, lyene uwene uwo ulawa. Na amu musumba uli onsi nanti amu ng'anda ndi yakatukilana aisikulu nu kuilwisya, yene yalapaatukana.

Mateo 9:4

Lino Yesu wamanya vino yakwelenganya mu myenzo yao ayauzya ati, “Uzye pacani mukwelenganya viipe mu myenzo inu?

Ezaya 66:18

Apa mulandu wa vicitwa vyao vino manyile, nasya nize nkolonganike antu amitundu yonsi kwene. Alino lyene iliza iilolele yonga ucindami wane.

Masamu 139:2

Wamanya vyonsi vino nkacita. Ukamanya vino nkwelenganya, nanti uli akatalamukila uli.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

Ezekelo 38:10

Vii ivyalanda Yawe Simwandalali kuli Gogi, apa wanda ulya, amelenganyo yaliza umu mano yako, nu kuteyanya ulateyanya amapange aipe.

Mapinda 15:26

Yawe wapata amapange aipe. Lelo amazwi ya luse yataya namulandu foo.

Mateo 12:15

Lino Yesu uvwa vino yati yumana kapi, afuma ku cifulo cici, na antu aingi yamulondela. Alino apozya alwale yao onsi,

Luka 5:21

Yakasambilizya ya Masunde na Afaliseo, nao yatandika kwelenganya aisikulu mu myenzo yao yati, “Uzye umuntu wi aweni wino akuvwanga mazwi ya misuli kuli Leza? A Leza wenga sile angelela maifyo!”

Luka 5:23

Uzye icangupala icani, kunena umulwale kuti, ‘Maifyo yako yelelwa,’ nanti kuti, ‘Katuka utandike nu kupita?’