Luka 5:21 - Amazwi Yakwe Leza 2013

²¹ Yakasambilizya ya Masunde na Afaliseo, nao yatandika kwelenganya aisikulu mu myenzo yao yati, “Uzye umuntu wi aweni wino akuvwanga mazwi ya misuli kuli Leza? A Leza wenga sile angelela maifyo!”

Luka 5:21 交叉參考

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Yoane 10:33

Ayuda yaasuka yati, “Pasi apa vicitwa visuma pano tukulonda tukutame na mawe, lelo apa mazwi yako a misuli kuli Leza! Wewe muntu sile nga ukwezya ukuicita kwati wewe Leza.”

Luka 7:49

Lyene yano atenzi pa vilimba pa kulya yatandika kuuzyanya aisikulu yati, “Uzye aweni wii, wino akaelela maifyo?”

Mateo 26:65

Lyene Simapepo Mukulu alepula mwingila wakwe, avwanga ati, “Watuvwanga mazwi ya misuli apali Leza. Tusikulonda umboni nauze! Ndakai mwati muvwa mazwi ya misuli apali Leza.

Masamu 32:5

Ali vino nasuka nakulongwela amaifyo yane, ukwaula ukukufisa nanti lyonga. Navwanga nati, “Kanje kuli Yawe nkailongwele amaifyo yane,” nawe fwandi ali pa kunjela uluse uku viipe vyane vyonsi.

Aina Levi 24:16

Muntu ali wensi wino wasaalula izina lyakwe Yawe alinzile ukukomwa. Iuvi lyonsi lilinzile ukumutama amawe. Ciye mwinamasi nanti mukaya kwene, ndi wapontela Yawe, wene alinzile kutamwa na mawe mpaka afwe.

Loma 8:33

Uzye aweni angapeela asololwe yakwe Leza mulandu?

Danieli 9:19

We Mwene, ule utuvwe! Mwene utwelele! Mwene, uvwa kunotuli nu kucitapo cimwi! Si cincila apakuti umuntu wensi amanye ukuti wewe uli Leza! Umusumba uu uwakwako kumwi na antu kwene yaa.”

Danieli 9:9

Wemo waya na mizu nupya ukatwelela uluse, nanti angala twakusangukila.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Masamu 130:4

Lelo wemo ukaelela amaifyo, caleka swemo tukakoopa nu kukupeela umucinzi.

Masamu 103:3

Aliwe akanjelela uluse kuli vyonsi vino nkaifya. Akapozya ni ndwala zyane zyonsi.

Luka 5:17

Uwanda umwi lino Yesu wasambilizyanga, Afaliseo na yakasambilizya ya Masunde yamwi apano yali. Yene yafumile mu mizi yonsi yamu Galile nu mu Yudeya nu ku Yelusalemu. Wene wapilwe amaka ya Mwene akupozya alwale.

Mateo 9:3

Lyene yakasambilizya ya Masunde yamwi yaivwanzya aisikulu mu myenzo yao yati, “Umuntu wii akuvwanga mazwi ya misuli kuli Leza!”

Mika 7:19

Nupya kwene ulaya ni nkunkunsi kunotuli. Ulalyatola amaifyo itu, nu kuvwintila ukakasi witu mu maziya pali yemba.

Masamu 35:5

Sileka yaye sile wakwe cungu akaululwa uku muza, lilyo lino umungeli wakwe Yawe aile akuyacocovya ulwilo.

Luka 3:8

Mwaomba imilimo isuma yakulanga vino mwati muzenzuka. Nupya mutainena mu myenzo inu ukuti Abulaamu ali cikolwe cinu! Nkumunena vino Leza angasenula amawe yaa ukuya ana yakwe Abulaamu.

Luka 5:22

Lyene Yesu amanya vino yakwelenganya mu myenzo yao, alino ayauzya ati, “Uzye pacani mukwelenganya vii mu myenzo inu?