Luka 5:12 - Amazwi Yakwe Leza 2013

¹² Lino Yesu wali mu musumba umwi, kwiza umuntu uwalwile tembwe. Lino walola Yesu, afukama pa nkolelo yakwe Yesu, amupapata ati, “Mwene, ndu kasi ungampozya!”

Luka 5:12 交叉參考

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Luka 17:16

Lyene afukama pansi nkolelo yakwe Yesu, amutaizya. Muntu wii, wali u Musamaliya.

Mateo 9:28

Lino wingila mu ng'anda, impafu ziya kunoli, nga Yesu azyuzya ati, “Uzye mukutaila vino ningamupozya?” Alino nazyo zimwasuka ziti, “Endi Mwene.”

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Mateo 26:6

Yesu wali mu Betaniya mu ng'anda yakwe Simoni, wino uwalwile tembwe.

Kufuma 4:6

Nupya Yawe anena Mose ati, “Ingizya ikasa lyako mu mwingila wako.” Mose ayela ilamulo, lelo lino wafumya ikasa lyakwe mu mwingila azunguka pa kulola ukuti ikasa lyakwe ilyali nu ulwale, liloleka litiswe mpee wa mula.

Utandiko 18:14

Uzye kwaya cimwi icatalila Yawe? Ndi vino mvwanzile ndawela pa nsita isontwe mwaka ukwiza, mu mwezi uwalenga fundimbali Sala alavyala umwana umonsi.”

1 Milandu 21:16

Davidi asanzula amanso nga alola umungeli wakwe Yawe aimi pakasi ki yulu ni nsi, ala alemile nu lupanga umwi kasa lyakwe nu kulusonta ku Yelusalemu. Lyene Davidi na ikolo yamwi, azwite insalu zyakulanga ulanda, yafupama pansi.

2 Yamwene 5:1

Lyene Naamani wali a musika mukalamba uwa vita vya ina Asilya. Wene wali umuntu umwi uwacindikwe sana nu mwene wa ina Asilya, pamulandu wakuti kupitila munoli Yawe wapile ucimvyo ku ina Asilya. Wene wali umusilika umukalambane sana, lelo wakweti tembwe.

1 Yamwene 18:39

Antu yonsi aweni kweneko yapona pansi, nga yavwanga yati, “Yawe ali Leza! Yawe ali Leza!”

Yoswa 5:14

Nawe amwaasuka ati, “Awe, insi ku lusansa ululi lonsi! Nemo indi pano wakwe musika mukalamba uwa vita vyakwe Yawe.” Yoswa afukama pansi afupime, nga akomela na makufi ati, “Musambazi, nene muzya kunuli. Uzye lyene icani cino ukulonda kuti incite?”

Malango 24:8

“Umwi ndi walwala tembwe muce mwasakamala ukucita vino yasimapepo aina Levi yalamunena. Muce mwalondela vyonsi vino nayatungulula ukuti avino yacita.

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

Mako 5:23

amupapata cuze ati, “Mwanane kaci umulwalisye ali pipi nu kufwa. Nakulenga kuti wize umwikepo makasa yako, pakuti apole aye nu umi.”

2 Yamwene 7:3

Lyene pa wingililo wa mpongolo ya musumba ulya pali antu yani alwile tembwe. Yene yavwanzyanya yati, “Uzye pacani cino tukalu kuzingota pano mpaka tusuke tufwe?

2 Yamwene 5:27

Ali cino fwandi yame, tembwe wiya wino Naamani walwile amaiza kuli wewe nu ku amu mupanda wako kwene. Alalematila amu mupanda wako amanda yonsi ya umi wao!” Lino Geazi akufuma sile penepo, awe papo kwene alwala tembwe. Umwili wakwe iuwuutuluka na wuu kwati akungwi.

Aina Levi 13:16

Lelo lino icilonda capola, caya icitiswe nupya, mulwale wiyo alinzile ukuya kuli simapepo nupya.

Luka 5:13

Yesu atambalika ikasa lyakwe amulemelela, nga amunena ati, “Nkasi, pola!” Lilyo kwene tembwe auluka ku muntu.