11 Lyene yakulila mato ku cituntu, yasya vyonsi, yamulondela.
Lilyo kwene iyasya amasumbo yao, yamulondela.
Levi nawe akatuka pano watenzi, asya vyonsi, amulondela.
Lyene Petulo avwanga ati, “Lola! Swemo twasya vyonsi nu kukulondela. Uzye lyene tulapelwa cilambu cii?”
Yesu amulolekesya, amutemwa, nga amunena ati, “Kwasyala cintu conga cino uulizya. Yanga kakazye vyonsi vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”
Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.
Lyene lilyo kwene yasya uwato ni si wao, yamulondela.
Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.
