Luka 4:2 - Amazwi Yakwe Leza 2013

² kuko kuno watenzi manda makumi yani. Mu manda yalya onsi, ala akutunkwa na Ciwa. Wene atalyanga nanti cimwi. Caleka auvwa inzala.

Luka 4:2 交叉參考

1 Yamwene 19:8

Eliya nawe akatuka alya nga amwa na manzi. Ivyakulya ivimupeela amaka akupita apa manda amakumi yani, asuka afika nu ku Mwamba wa Holebu, umwamba wakwe Leza.

Kufuma 34:28

Lyene Mose aikala pamwi na Yawe kuku kwene amanda amakumi yani, musanya nu usiku, kwaula ukulya nanti cimwi. Lyene Yawe alemba pa vipampa vya mawe yaya yaili amazwi yonsi a upangano, kuli kuti amasunde ikumi.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Ayebulai 2:18

Acino ndakai wene ali na maka yakwazwa yao akutunkwa pano umwisikulu watunsilwe nu kucula.

Malango 9:9

Lino nakwezile ku mwamba ku kupokelela vipampa vya mawe ivya upangano uno Yawe wacita namwe, ali lino natenzi pa mwamba amanda amakumi yani, usiku nu musanya. Ntalile icakulya nanti kumwa amanzi.

Yoane 4:6

Kuku ukwali ni cifula cakwe Yakobo. Yesu walanga watatonta nu lwendo, nga aikala pipi na pa cifula. Cali manye lino ilanzi lyafika umutwe papela (12 koloko).

Malango 9:18

“Lyene nupya kwene impona pansi ala mfupime pa manso yakwe Yawe pa manda amakumi yani, musanya nu usiku. Ntalile cakulya nanti kumwa amanzi, pamulandu wi ifyo lino mwemo mwacisile, apakucita inkota pa manso yakwe Yawe nu kumulenga kusoka.

Mateo 21:18

Katondo tondo uwanda uwalondelile, lino akuwela ku musumba auvwa inzala.

Mateo 4:2

Lelo Yesu atalile nanti kamwi manda makumi yani, musanya nu usiku. Pacisila auvwa inzala.

Yona 3:7

Lyene atuma antu akuya uma imbila mu Ninive, yati, “Lii, ilili lamulo lya mwene ni vilolo vyakwe: ‘Muntu ali wensi atezya ukulya akantu kali konsi, ni nyama kwene zikulu ni zinono zitacita cico. Mutaleka zilye akantu akali konsi nanti ukumwa amanzi.

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

1 Samueli 17:16

Pa manda amakumi yani umwina Filisti wiyo wizanga akutankamala cila katondo na manguzi itolo sile.

Malango 9:25

“Nemo naponyile pansi ala mfupime pa manso yakwe Yawe pa manda yalya amakumi yani, musanya nu usiku, pamulandu wakuti namanyile ukuti wene wavwanzile vino ali nu konona mwemwe.

Kufuma 24:18

Mose aingila mwi kumbi, atwalilila kukwela mwamba mpaka afika papela. Mose aikala kuku kwene amanda amakumi yani, musanya nu usiku.

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Luka 4:3

Lyene Ciwa amunena ati, “Ndi wewe Mwana wakwe Leza, nena iwe lii liye mukate.”