Luka 3:36 - Amazwi Yakwe Leza 2013

³⁶ mwana wakwe Kainani, mwana wakwe Afakasidi, mwana wakwe Syemu, mwana wakwe Nowa, mwana wakwe Lameki,

Luka 3:36 交叉參考

2 Petulo 2:5

Leza atapanyizye yakaifya amu manda yampiti yakwe Nowa. Wene wayononyile ku manzi, lelo watuuzile Nowa ngaa na antu yauze cinimbali, wino uwakosozile cumi cakulenga antu yacita vyawololoke.

1 Petulo 3:20

Ii yali mipasi yakwe yao atayelanga Leza mu manda yano Nowa wapanganga cange. Lelo Leza waitekelile. Antu yanono sile kulingana na cinani, yano ali mu cange, alio yatuuzilwe ku manzi.

Ayebulai 11:7

Utailo uwalenzile kuti Nowa auvwe kusokwa kwakwe Leza pa vintu vino vyali nu kwiza, vino atatazile alola. Wene wayelile Leza nu kupanga cange muno aliwe na amu ng'anda yakwe yatuuzilwe. Cii calenzile kuti antu amu nsi yavunukwe, nga Nowa nawe apokelele uwila wa wololoke uno ukapelwa kuli yao ataila.

Luka 17:27

Antu yalyanga nu kumwa, yatwalanga nu kutwalwa, kufika na pa wanda uno Nowa wingile mu cange lino mulamba wizile ayakoma onsi.

Ezekelo 14:14

Nanti angala antu yatatu yaa, Nowa, Danieli na Yobo yatenzi mwenemo, yene yangaipususya sile aisikulu ku ololoke wao. Ivyalanda ne Yawe Simwandalali.”

1 Milandu 1:17

Ana aonsi yakwe Syemu a Elamu, Asyuli, Alipakisadi, Ludi na Alamu. Ana aonsi yakwe Alamu a Uzi, Hulu, Getele na Mesyeki.

Utandiko 9:18

Ana yakwe Nowa afumile mu cange a Syemu, Hamu, na Yafeti. Hamu ali isi wakwe Kenani.

Utandiko 9:1

Leza apolelela Nowa na ana yakwe ati, “Vyalalini musanduluke muce mulimbe insi yonsi.

Utandiko 8:1

Lelo Leza atilile Nowa ni nyama zyonsi zyamu mpanga, nga ni viteekwa vino wali navyo mu cange. Caleka Leza akatusya cipunga mu nsi, na mulamba atandika ukupwa.

Utandiko 7:23

Yawe ononyile ca umi consi ca muno nsi, antu, inyama, vikasela ni vyunyi ivikapapuka vyonsi vyafwa. Nowa sile na yano wali nayo, pamwi na vino wali navyo mu cange ivyapuswike.

Utandiko 7:13

Pa wanda kwene ulya Nowa nu muci, ana yakwe aonsi yatatu Syemu, Hamu na Yafeti pamwi na aci yao ingile mu cange.

Utandiko 6:22

Nowa wacisile vyonsi ndi vino Leza wamupeezile ilamulo.

Utandiko 5:3

Lino Adamu wali ni myaka 130, umuci wamuvyalile umwana umonsi uwatozile icata cakwe isi. Nga Adamu amutemela izina ati Seti.

1 Milandu 1:1

Adamu wali a isi wakwe Seti. Seti wali a isi wakwe Enosi. Enosi wali a isi wakwe Kenani.

Luka 3:35

mwana wakwe Selagi, mwana wakwe Lewu, mwana wakwe Pelegi, mwana wakwe Ebali, mwana wakwe Syela,

Luka 3:37

mwana wakwe Metusela, mwana wakwe Enoki, mwana wakwe Yaledi, mwana wakwe Malaleli, mwana wakwe Kenani,