Luka 24:44 - Amazwi Yakwe Leza 2013

⁴⁴ Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Luka 24:44 交叉參考

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Milimo 13:33

Ndi vino Leza walavile vikolwe vitu, avino naswe watatucitila, swe ana yao, pa kulenga Yesu azyukuke kufuma ku afwe. Ndi vino calembwa mu ciputulwa cakwe ciili ca Masamu, cati, ‘Wewe Mwanane, ilelo naya nene ndi so.’

Luka 9:22

Caleka ayanena ati, “Mwana wa Muntu ali nu kucula cuze, nupya aikolo na yasimapepo akalamba, na yakasambilizya ya Masunde yalamukana nu kumukoma, lelo pa wanda wakulenga yatatu alazyukuka kufuma ku afwe.”

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Ayebulai 10:1

Masunde yakwe Mose yalanga umusango uzimantukile uwa vintu visuma vikwiza. Yene yali sile unkolanya wa vintu vikwiza. Acino nanti mpolelwa zyapeelwanga cila wanda na cila mwaka, lelo Masunde yakwe Mose yaposiwa ku maka ya mpolelwa kulenga antu yaye afumaluke.

Yoane 5:46

Pano ndi mwataile Mose mucumi, nga mwataila nani kwene, pano walemvile ivya pali nene.

Zakaliya 6:12

Ukamunene ukuti ne Yawe Wamaka yonsi navwanga nati, ‘Umuntu wino akaamwa ukuti umusambo, wakulilila papo kwene pano ali, nga nu kukuulila Yawe Ng'anda ikulu cipya cipya.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Ezaya 28:16

Ali cino Yawe Simwandalali akuti, “Nemo namaimba umufula mu Zioni umucumi. Alino umufula kwene uo, namaika penepo iwe lyonga ilikome, ililemvilwe penepo amazwi akuti, ‘Uwazumila atalatenkana!’

Masamu 118:22

Iwe lino yakakuula yakanyile lyene lyacisilwe iwe lya pitungi lya ng'anda. Yawe uwacita vii, awe cene catuzungusya cuze.

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Ezekelo 34:23

Ndakatusya kacema uwa kuziteeka, umuomvi wane Davidi awino alaya akacema waziko nu kuzisunga aliwe alazisunga.

Ezaya 52:13

Yawe wavwanga wati, “Umuomvi wane alacula muli vino alaomba. Alaya umukulu nu kucindikwa wakwe cimwi.

Utandiko 22:18

Na antu amu nko zyonsi zya muno nsi yalanguzya kuti nayo njapolelele wakwe vino natinkupolelela na ana yako pamulandu wa kunjela.”

Ayebulai 9:8

Mu utantiko uu onsi amuno Mupasi Wamuzilo akusambilizya paswe ukuti inzila ya kwingila mu Ncende Yamuzilo Kuluta itange iyeko lino muputule wakwe conga uciimi.

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Zakaliya 14:4

Pa nsita iyo wene alimilila pa Mwamba wa Miolivi, uwa uwalungatana nu musumba wa Yelusalemu lwaku ufumondaka. Nu Mwamba wa Miolivi ulalepuka pakasi, ukutandikila ku ufumondaka mpaka nu ku uwondaka. Fwandi palaya iciposi wakwe cimwi. Icipande conga ca mwamba cilaya uku katutu ni cuze naco uku kayeya.

Danieli 7:13

Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Ezekelo 17:22

Yawe Simwandalali wavwanga wati, “Nemo ndatimpula insongo ya kamuti kamwi akatalimpisye, ndatatoola nu munsonga onga nkauleme pa mwamba umwi utali.

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Mpendwa 35:25

Iuvi lilinzile kutaasya umuntu wino yapeela umulandu wa utazi wa katwe kuli kalandula wa wazi. Nupya yalinzile kumuswilizya ku musumba wa kuzina kuno wapuukile. Kuli kuno ali nu kutala aikala, suka sile lino Simapepo Mukulu uwapakwa amafuta yamuzilo ace afwe.

Mpendwa 21:8

Alino Yawe anena Mose ati, “Panga inzoka ya mukuwa nga uikoweke pa mulongoti. Umuntu ali wensi uwalumwa ndi cakuti walolekesya inzoka kwene iyo, alaya nu umi.”

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Yoane 3:14

Wakwe vino Mose wasamike inzoka ya mukuwa pa cimuti mu lwanga, avino nu Mwana wa Muntu ali nu kusamikwa pa cimuti

Luka 24:46

Alino ayanena ati, “Calembwa ukuti, Katuula uwalavilwe alinzile kucula. Na pa wanda wakulenga yatatu alazyukuka kufuma ku afwe,

Yelemiya 33:14

Nalyuze kwene, Yawe wavwanzile ati, “Insita iliiza lino nemo ndafikilizya ulayo uno nalavile aina Izlaeli na ina Yuda.

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Utandiko 14:18

Na Mekisedeki umwene waku Salemu, nupya simapepo wakwe Leza uwapapelapela nawe aletela Abulamu umukate na waini.

Ayebulai 7:1

Mekisedeki wii wali umwene uwaku Salemu nupya simapepo wakwe Leza mukulu uwa papelapela. Lino Abulaamu akufuma ku ulwi kuno wacimvizye yakateeka yani, Mekisedeki amukomanya nu kumupolelela.

Ayebulai 3:5

Mose wali muomvi uwakutailwa mu ng'anda yakwe Leza nupya wene wavwanzile vintu vino Leza alavwanga mu manda akwiza.

Milimo 7:37

Mose uwanenyile aina Izlaeli ati, ‘Leza alamutumila Kasema, wakwe vino wantuma, alaya uwa muli mwemwe kwene.’

Luka 22:37

Acino namunena vino icalembwa mu malembelo pamulandu wane, icikati, ‘Wapendilwe ukufwa pamwi na yakaifya,’ cili nu kufikiliziwa.”

Luka 21:22

Pano yao yalaya manda ya cilanduzi, pakuti vyonsi ivyalembwa mu malembelo vifikiliziwe.

Luka 9:44

“Muvwikisye ningo vino nati munena. Mwana wa Muntu alakoopelwa ku antu.”

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Mateo 26:54

Lelo malembelo asowela kuti cilinzile cicitike ndi cikwene, yangafikiliziwa uli?”

Mateo 16:21

Kufuma pa nsita kwene ilya nu kutwalilila, Yesu atandika kunena alondezi yakwe paswe ati, “Indi nu kuya ku Yelusalemu, kuno ndapelwa mu makasa ya ikolo ya Ayuda, yasimapepo akalamba na yakasambilizya ya Masunde, yano alancuzya cuze. Yalankoma, lelo pa wanda uwalenga yatatu ndazyukuka nu kuya nu umi.”

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

1 Petulo 1:11

Yalondelizye kuti yamanye nsita nga nu musango uno cii cilacitikilamo. Mupasi wakwe Klistu, uno wali munoyali, uwasowile macuzi yano Klistu wali nu kucula nga nu lulumbi ululalondelela.

Milimo 3:18

Ku mpiti Leza wavwanzile kupitila muli yakasema yonsi ukuti Klistu wino wasolwile alacuziwa, nga cati cifikiliziwa mu musango kwene uu.

Mako 9:31

pano wasambilizyanga alondezi yakwe ati, “Mwana wa Muntu alakoopelwa ku antu alamukoma. Nanti cilaya vii, pacisila ca manda yatatu alazyukuka nu kuya nu umi.”

Mateo 1:22

Vintu vii vyonsi vyacitike kuti cifikiliziwe cino Mwene walanzile kupitila muli kasema ati,

Milimo 2:27

pano we Mwene Leza utalansya ku Gehena, nanti kuleka muomvi wako Wamuzilo aole mwi lindi.

Milimo 13:40

Lyene, cenjelini, pakuti vino yakasema yavwanzile vitakamucitikile, vikati,