Luka 24:26 - Amazwi Yakwe Leza 2013

²⁶ Uzye citalondekwanga ukuti Katuula uwalavilwe acule mu vintu vii nga alino aingile mu lulumbi lwakwe?”

Luka 24:26 交叉參考

1 Petulo 1:11

Yalondelizye kuti yamanye nsita nga nu musango uno cii cilacitikilamo. Mupasi wakwe Klistu, uno wali munoyali, uwasowile macuzi yano Klistu wali nu kucula nga nu lulumbi ululalondelela.

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Milimo 17:3

ala akuyalondolwela nu kuyasinila vino calingine kuti Klistu acule nu kuzyukuka kufuma ku afwe. Paulo ayanena ati, “Yesu kwene wii, wino nkukosola kunomuli ali Klistu.”

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Luka 24:46

Alino ayanena ati, “Calembwa ukuti, Katuula uwalavilwe alinzile kucula. Na pa wanda wakulenga yatatu alazyukuka kufuma ku afwe,

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Luka 24:7

ati, ‘Umwana wa muntu alinzile apelwe ku antu yakaifya, nu kutanwa, na pa wanda wakulenga yatatu alazyukuka.’”

Danieli 9:26

Alino apa mpela ya nsita ilya Musololwe Wilya wakwe Leza alakomwa mu kufyengwa. Umusumba kumwi ni Ng'anda ikulu yakwe Leza yalavyonona ku vita vya mwene wa maka vino viliza. Impela iliza wa mukuku, nga ilaleta inkondo nu ononesi vino Leza wateyanya.

Yoane 2:22

Caleka lino wazyukwike kufuma ku afwe, alondezi yakwe iusya vino wavwanzile cii, nga yataila malembelo na mazwi yano Yesu wavwanzile.

Yoane 20:9

Kufika na pa kasita kwene kaka ala yatali yataile vino malembelo yalanda ukuti alinzile azyukuke kufuma ku afwe.)

Utandiko 22:6

Abulaamu atwika Isaki inkwi zya kocela uwila, nga umwisikulu asenda cisonsololwa ca moto nu mwele, yapita yoili.