Luka 24:19 - Amazwi Yakwe Leza 2013

¹⁹ Nawe amuuzya ati, “Uzye vintu ci?” Nao yaasuka yati, “Vintu vyacitikile Yesu uwaku Nazaleti. Uwali a Kasema wa maka mu vicitwa nu mu mazwi pa manso yakwe Leza nga na pa manso ya antu onsi.

Luka 24:19 交叉參考

Mateo 21:11

Antu amwi umba yaasuka yati, “Wi ali kasema, Yesu uwaku Nazaleti, ku Galile.”

Milimo 7:22

Lyene Mose wasambiliziwe mano yonsi amu Eguputo, aya na maka mu kuvwanga nu mu vicitwa.

Milimo 2:22

“Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Yoane 6:14

Caleka lino antu yalola cilangililo cino Yesu wacita yavwanga yati, “Cumi wii ali kasema wino malembelo yakati ali nu kwiza!”

Yoane 4:19

Umwanaci amunena ati, “Musambazi, lyene namanya vino wewe kasema.

Yoane 3:2

Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”

Luka 7:16

Onsi yuvwa intete, yalumbanya Leza yati, “Kasema mukulu wataloleka pakasi kitu! Leza wataiza ku kwazwa antu yakwe!”

Milimo 10:38

Mwamanya vya pali Yesu uwaku Nazaleti, na vino Leza wapongolwile Mupasi Wamuzilo panoli nu kumupeela maka. Wapisile konsi konsi, ala akucita visuma nu kupozya yonsi yano acuziwanga na Ciwa, pano Leza wali nawe.

Yoane 7:52

Nao yamunena yati, “Endi, uzye nawe kwene wewe uwamu Galile? Ulonde mu malembelo ndi umazana pano calembwa vino ku Galile kulafuma kasema.” [Umu mpapulo izyalemvilwe ku katalili kumwi ni mpapulo zyuze izya umboni zino tungasintililamo mutaya Yoane 7:53-8:11.]

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Malango 18:15

“Yawe Leza winu alamutumila kasema akoline nani ukufuma mu antu inu kwene, nga namwe mulinzile mwamuyela.

Luka 24:18

Lyene wenga pano yali izina lyakwe a Keleopa, amuuzya ati, “Uzye wewe uli mwenyi wenga sile mu Yelusalemu atamanyile vintu vino vyati vicitikamo mu manda yaa?”