Luka 22:52 - Amazwi Yakwe Leza 2013

⁵² Lyene Yesu anena yasimapepo akalamba na yamusika amu Ng'anda ikulu yakwe Leza, nga na aikolo amu Ayuda aizile ku kumulema ati, “Uzye mwizile kuli nene ni mpaanga ni zya ntuwa, ungati nene cipondo?

Luka 22:52 交叉參考

Luka 22:4

Lyene aya kuli yasimapepo akalamba na yamusika amu Ng'anda ikulu yakwe Leza, kuti auvwane nao inzila yakuti ayakoopele Yesu.

Milimo 5:26

Lyene musika na asilika yakwe yapita, yaya yaleta alondezi kwaula kuyakunkizya, pano asilika yoopa ukuti antu yangayatama na mawe.

Yoane 17:12

Lino nali nao, nayasunganga ningo kupitila mu maka yako yano wampile. Nayacingililanga, nga kutali wenga uwalowa, suka sile umuntu wino uwasolwilwe kulowa, kuti cino calembwa cifikiliziwe.

Mateo 26:55

Pa kasita kaka, Yesu anena iumba ati, “Uzye mwizile kuli nene ni mpaanga ni zya ntuwa pa kundema, ungati nene cipondo? Manda aingi nazanwanga mu Ng'anda ikulu yakwe Leza, ala nkusambilizya, nga namwe mutandemile.

2 Yamwene 11:15

Lyene simapepo Yeoyada apeela ilamulo kuli yamusika akulu ya vita yaya ati, “Mufumizini kunzi pakasi ka milongo yakwe yakalinda, nu kukomola wensi akwezya uku mupususya.” Pasi pano simapepo wavwanzile ati, “Mutamukomela mu Ng'anda ikulu yakwe Yawe.”

Mateo 26:47

Walanga lino Yesu acili vwanga, Yuda, wenga uwamu alondezi ikumi na yaili, afika. Wali ni iumba likulu ilyasenzile mpanga ni zya ntuwa, ala yatumilwe na yasimapepo akalamba na aikolo amu Ayuda.

Luka 22:37

Acino namunena vino icalembwa mu malembelo pamulandu wane, icikati, ‘Wapendilwe ukufwa pamwi na yakaifya,’ cili nu kufikiliziwa.”

Luka 22:51

Lelo Yesu avwanga ati, “Casila, tini cii!” Lyene alimba ikutwi lya muntu, amupozya.

Luka 22:53

Nali namwe manda aingi mu Ng'anda ikulu yakwe Leza, nga namwe mutandemile. Lelo ii ili nsita inu, lino maka ya mfinzi yakuteeka.”