Luka 20:14 - Amazwi Yakwe Leza 2013

¹⁴ Lelo lino alimi yamulola, yavwanzyanya yati, ‘Wii ali mwana wakwe aalatoola icuma. Tuini tumukome, ni calo cimaya icitu!’

Luka 20:14 交叉參考

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

Ayebulai 1:2

Lelo mu manda yaa akusyalikizya wene wavwanga kunotuli mu Mwana wakwe. Muli wikwene amuno Leza waumvile uumbo onsi, nupya wene wamusolwile kuti aye umweneco wa vintu vyonsi.

Milimo 3:15

Mwakomile Umwene wino akapeela umi, lelo Leza wamuzyukwile kufuma ku afwe, nga naswe sweswe yakambone pali cii.

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Luka 22:2

Yasimapepo akalamba na yakasambilizya ya Masunde yalondanga inzila yakuti yalemelemo Yesu nu kumukoma munkama pano yoopanga antu.

Luka 20:19

Yakasambilizya ya Masunde na yasimapepo akalamba yalondanga inzila yakuti yalemelemo Yesu pa nsita kwene ilya, pano yamanyile vino wayasyentekanga mu mulumbe. Lelo yoopa antu.

Luka 20:5

Nao yatandika kupazyanya aisikulu yati, “Uzye tumati uli? Ndi twati, ‘Wafumizye kuli Leza,’ nawe amati, ‘Uzye lyene, pacani mutataile Yoane?’

Luka 19:47

Manda onsi Yesu wasambilizyanga mu Ng'anda ikulu yakwe Leza. Yasimapepo akalamba, yakasambilizya ya Masunde, ni ntunguluzi zya antu amu Yudeya, yalondanga ukumukoma.

Mateo 21:25

Uzye Yoane wafumizye kwi maka akuwatizya? Uzye akuli Leza nanti ku antu?” Nao yatandika kupazyanya aisikulu yati, “Uzye tumati uli? Ndi twati, ‘Wafumizye kuli Leza,’ nawe amati, ‘Uzye lyene, pacani mutataile Yoane?’

Mateo 16:7

Nao yalanzyanya aisikulu yati, “Akuvwanga cii pano tutasenzile mikate.”

Masamu 89:27

Wene ali yeli lyane, umukulu pali yamwene yonsi apano nsi.

Masamu 2:8

Undenge, nga nani namakupeela inko zyonsi. Insi yonsi pano yapelela imaya iyakwako.

Mateo 21:34

Lino nsita yakuzombola yafisile, atuma aomvi yakwe ku alimi kuti yakatole mulingo wakwe uwa vizao vya matingi.

Luka 20:13

Lyene mwine wa calo ca matingi ati, ‘Uzye namacita uli? Namatuma umwanane umonsi mukundwe. Mwanane wene yalamucindika!’

Luka 20:15

Caleka yamufumya kunzi ya calo ca matingi, nga yamukoma. Yesu auzya ati, “Uzye lyene, umwine wa calo ca matingi alacita uli ku alimi yao?