40 Mwana akula, akomeleka aya na mano, nga Leza nawe amupolelela.
Yesu wakulanga ku mwili nu mu mano, ala akutemwikwa na Leza nga na antu.
Lino Yoane wakulanga, Mupasi Wamuzilo wamupile maka akulu cuze. Watenzi mu lwanga kufika uwanda uno wizile aloleka paswe ku ina Izlaeli.
Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.
Umulumendo Samueli ala akukulila kweneko umu ciimo alino nu kutemwikwa kuli Yawe nu ku antu.
Lino Samueli akukula, Yawe wali nawe, nga kutali izwi nanti lyonga pa mazwi yano walandanga lino litafikiliziwe.
Onsi amuvwile yazunguka pa kwaasuka kwakwe kwa mano.
Ala awewe kwene wamfumizye umunda muli mayo, nga lino nali akanya, wancingilile.
Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.
Umwanaci wilya pali pakwiza vyala umwana umonsi nga amutemela izina ati a Samusoni. Umulumendo wilya akula nga Yawe amupolelela,
Timoti, we mwanane mu utailo. Komeleka mu cikuku cino twakwata muli Klistu Yesu.
Mukusyalikizya, lekini maka yakwe Leza yamukomelezya.
Lyene atumwa yatwalilila ukupeela umboni pamulandu wa kuzyukuka kwa Mwene Yesu, nga ni cikuku cakwe Leza cali panoyali onsi.
Wemo wewe monsi umwi umusuma ukuluta yonsi nupya wewe kavwanga umwi akavwanga usaka sana. Umu cumi, Leza wakupolelela insita zyonsi.
Yawe nawe pali pakuvwila Hana uluse. Hana aca akwatilapo ana nayauze, aonsi yatatu na anaci yaili. Lelo Samueli wene akula umu kutumikila Yawe.
