29 “Mwene, ndakai, leka muomvi wako apite umutende, pano watusunga ulayo wako.
Nupya nuvwa izwi kufuma mwiyulu likuti, “Lemba ukuti, Alongo ayao yano kufuma ndakai yakufwila mu kutumikila Mwene!” Mupasi Wamuzilo nawe ati, “Endi! Yene yalailyokezya kupuza ku kuombesya kwao, pano milimo yao isuma ikuyalondela.”
Lelo wemo ulikala mutende kufika lino ulakota cuze, lino ulafwa nu kuzikwa pacisila cakwikala imyaka ingi.
Cili icitale kusolola. Nkulonda ukufwa kuti nje pamwi na Klistu, pano cii cazipisya kuluta.
Mupasi Wamuzilo wasokolwile kunoli ukuti wene atalafwa lino atatala walola Katuula wino Leza walavile.
Mwalolekesya umuntu musuma, mucecete umololoke umwenzo. Pano umuntu walongo awiyo akasya impyanyi zyakwe pano nsi.
Yakobo anena Yosefu ati, “Awe lyene ningafwa, pano natinjilolela na manso yane ukuti ucili mumi.”
Simeoni apokelela umwana mu makasa yakwe nu kulumbanya Leza ati,
“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”
