Luka 2:13 - Amazwi Yakwe Leza 2013

¹³ Lilyo kwene kuloleka mungeli ni iumba lyuze likulu lya angeli ya mwiyulu, yalumbanya Leza yati,

Luka 2:13 交叉參考

Umbwilo 5:11

Alino ndola nupya, nga nuvwa mazwi ya angeli mazimbi ni mintapendwa! Yene yaimi iyalizizya cilimba ca wene, ni viumbwa vyaumi vini nga na ikolo.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Masamu 148:2

Mulumbanyini mwe angeli yakwe yonsi, mulumbanyini mwe vita vyakwe vyonsi vya mwiyulu.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Danieli 7:10

Nu luzi lwa moto ala lukukonkoloka ukufuma apa nkolelo yakwe. Kwali kweneko na antu avule wakwe cimwi akumutumikila, nga ni mintapendwa ya antu aimi nkolelo yakwe. Alino kuputwilwa kwa milandu kutandika, nga ni mpapulo zikupulwa.

Luka 15:10

Namunena vino mu musango uli onga, angeli yakwe Leza yakazanga pali kaifya wenga uwazenzuka.”

Yobo 38:7

Lino intanda zyapa macaca zyumilanga utupundu capamwi, na angeli yonsi yakwe Leza yamuwanzizye capamwi ni nsansa.

Masamu 68:17

Yawe wafumile uku Sinai na maceleta amazimbi na mazimbi, ukwiza mu mucifulo camuzilo, icicindame.

Efeso 3:10

Lyene Leza angaomvya iuvi kuti lilange maka ni ntunguluzi zya mwiyulu ukuti Leza wakwata mano aingi aiyele.

Utandiko 28:12

Alota akulola mutanto, ala cisinte cakweo cimikwe pansi nu lutwe lwauko lusintilile umwiyulu, nga na angeli yakwe Leza yamwi yakwika na yamwi yakukwela penepo.

Ezekelo 3:12

Mupasi ali pakunkatusya, na pacisila cane nuvwa impooma zya nkuta zikalamba wakwe cimwi ala zikuti, “Lumbanyini Yawe mucindami uwaya umwiyulu!”

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

Luka 2:12

Na cii cimaya cilangililo kunomuli. Mumaya mukazane mwana akanya kafufilwe mu nsalu nupya kalalikwe mu mulangu.”

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.