Luka 19:1 - Amazwi Yakwe Leza 2013

¹ Yesu aingila mu Yeliko lelo ala ali mu kupuzya.

Luka 19:1 交叉參考

Luka 18:35

Lino Yesu wapalama pipi na Yeliko, umuntu uwali impafu watenzi pa mbali ya museo, ala akulenga.

1 Yamwene 16:34

Mu manda ya kuteeka kwakwe Aabu, Hiyeli ukufuma ku Betele akuululula umusumba wa Yeliko. Lelo wakwe muno Yawe wavwanzile kupitila muli kasema Yoswa umwana umonsi wakwe Nuni, Abilamu, umwana umonsi iyeli lyakwe Hiyeli, wafwile lino wene wakuulanga umufula. Alino Segubu, uwali kasuli wakwe Hiyeli nawe wafwile lino wene wakuulanga impongolo zya musumba uo.

Yoswa 2:1

Lyene Yoswa, umwana wakwe Nuni, mu umfisolo atuma inengu ziili ukufuma ku nkambi yaku Syitimu. Ayapeela ilamulo kuti yaye yakendezye impanga ya Kenani mu umfisolo, makamaka umusumba wa Yeliko. Caleka inengu zizi izipita zizana indo mumu ng'anda yakwe Laabu cizelele.

Mako 10:46

Yesu wizile ku Yeliko pamwi na alondezi. Lyene lino wafumanga ku Yeliko na alondezi yakwe ni iumba likulu, impafu kalenga, zina lyakwe a Batimeo mwana Timeo, watenzi pa mbali ya museo.

Luka 19:2

Lyene kwiza umwi, izina lyakwe a Zakeyo, uwali umukalamba wakwe yakasonkesya. Nupya wali umukama.