Luka 18:12 - Amazwi Yakwe Leza 2013

¹² Nkaizilizya ukulya maila yaili mu mulungu, nupya nkapela ni cikumi ca muli vyonsi vino nkazana.’

Luka 18:12 交叉參考

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Mateo 9:14

Lyene alondezi yakwe Yoane kawatizya iiza kuli Yesu yamuzya yati, “Uzye pacani cino swemo pamwi na Afaliseo tukaizilizya ukulya, lelo alondezi yako yene yasyaizilizya ukulya?”

Luka 17:10

Icili conga namwe; lino mwati mucita vyonsi vino mwati munenwa kucita, mulande muti, ‘Sweswe aomvi sile nupya twati tucita vino tulinzile kucita.’”

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

Mateo 6:1

“Mutacita milimo isuma kuti mwalolwa na antu. Pano ndi mumacita vivyo ale musi ni cilambu kuli So winu uwa mwiyulu.

Malaki 3:8

Uzye umuntu angiyila Leza? Awe citange cicitike. Lelo mwemo mukunjiya. Namwe muuzya muti, “Umu nzila cii?” Umu cikumi na mawila.

Efeso 2:9

Citali uku maka inu nanti kuombesya, lelo uwila wakwe Leza pakuti kutaya umwi uwakuitumika pali cico.

Galatiya 1:14

Nemo nalusile Ayuda yanji, yano tuine myaka mu kulondela upefi wa Ciyuda, nupya nali muipelesye mu kulondela ntambi zya vikolwe vitu.

1 Kolinto 1:29

Cii cikusenula ukuti kusi umwi angaitumika pa manso yakwe Leza.

Loma 3:27

Uzye lyene tungailumba pacani? Pasi! Uzye lyene ale apamulandu cii? Uzye apamulandu wakuti tukayela Masunde? Awe! Lelo apamulandu wakuti twataila.

Mateo 6:16

“Nupya lino mukuizilizya ukulya mutaya wa asomvi, akanyomeka mausyu yao pakuti antu yamanye vino yati yaizilizya ukulya. Cumi namunena nati, yene yapokelela cilambu cao.

Mateo 6:5

“Na lino mukupepa, mutakolana wa asomvi! Yene yatemwa kwimilila nu kupepa mu mang'anda ya mapepo nu mu masansa ya miseo, kuti yalolwe na antu. Cumi namunena vino, yene yapokelela cilambu cao.

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

2 Yamwene 10:16

Yeu avwanga ati, “Tuye kuno, uilolele vino nkuipelesya kuli Yawe.” Nga yapita nawe mwi celeta lyakwe.

1 Samueli 15:13

Lelo Samueli avwanga ati, “Si angala Yawe akupolelele! Nemo natimfikilizya ukulingana na malamulo yakwe Yawe.”

Mpendwa 23:4

Lyene Leza akomenkana nawe, nga Balamu amunena ati, “Ninkuula utuvuwa cinimbali, nga apano ni mpela impolelwa zyakoca, cipambasi wenga na suuku wenga pali cila kavuwa.”

Mpendwa 18:24

Aina Levi yatange yakwate icaupyanyi mu ina Izlaeli. Icaupyanyi cao, uwila wa cikumi uno aina Izlaeli yakapeela kuli Yawe. Ali vyaupyanyi vino napeela ku ina Levi. Nu kulanda ali cino nayanenyile inti yatalakwata icaupyanyi mu ina Izlaeli.”

Mateo 5:20

Lyene namunena vino mulaposiwa kwingila mu Wene wa mwiyulu, suka sile ndi mukucita ivyawololoke pa manso yakwe Leza kuluta yakasambilizya ya masunde na Afaliseo.